စီးပွားရေးလုပ်ငန်းများအမျိုးအစားခွဲခြားခြင်းဆိုင်ရာမြန်မာစံပြုသင်္ကေတများ (MSIC)အသုံးပြုမှုဆိုင်ရာအသိပညာ မြှင့်တင်မှုသင်တန်းဖွင့်ပွဲကျင်းပခြင်း

စီးပွားရေးလုပ်ငန်းများအမျိုးအစားခွဲခြားခြင်းဆိုင်ရာမြန်မာစံပြုသင်္ကေတများ (MSIC) အသုံးပြုမှုဆိုင်ရာအသိပညာ မြှင့်တင်မှုသင်တန်းဖွင့်ပွဲအခမ်းအနားကို စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ် (၃၂)၊ ဗဟိုစာရင်းအင်းအဖွဲ့၊ သင်တန်းခန်းမ၌ ၂၀၁၉ ခုနှစ် ဇန်နဝါရီလ ၈ ရက်နေ့တွင် ကျင်းပခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်၊ ဒေါက်တာဝါဝါမောင်၊ ဒုတိယညွှန်ကြားရေးမှူးချုပ် ဦးသန်းဇော်နှင့် သက်ဆိုင်ရာဦးစီးဌာန (၁၇) ခုမှ တာဝန်ရှိသူများ၊ ဗဟိုစာရင်းအင်းအဖွဲ့၊ တိုင်းဒေသကြီး/ပြည်နယ်ရုံးများမှ သင်တန်းသားများအပါအဝင် စုစုပေါင်း (၄၀) ဦးခန့် တက်ရောက်ခဲ့ကြပြီး ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်၊ ဒေါက်တာဝါဝါမောင်မှ အဖွင့်အမှာ စကားပြောကြားခဲ့ပါသည်။

အဆိုပါ သင်တန်းကို MSIC အသုံးပြုမှုဆိုင်ရာ အခြေခံသဘောတရားများအပါအဝင် ဖွဲ့စည်းထားရှိပုံ၊ သက်ဆိုင်ရာ စာရင်းအင်းကဏ္ဍတွင် MSIC ၏အသုံးဝင်ပုံ၊ စာရင်းအင်း ကဏ္ဍ အသီးသီးတွင် အပြည်ပြည်ဆိုင်ရာနှင့်နှိုင်းယှဉ်ရာတွင် MSIC ၏ အရေးပါပုံနှင့် အသုံးပြုပုံ တို့ကို သိရှိစေရန် ရည်ရွယ်၍ ဖွင့်လှစ်ခြင်း ဖြစ်ပါသည်။ (သတင်းစဉ်)

,