အာဆီယံအမျိုးသမီးများအတွက် ငြိမ်းချမ်းရေးမှတ်ပုံတင်စာရင်း တည်ထောင်ခြင်းဆိုင်ရာ ဆွေးနွေးပွဲ (Symposium on the Establishment of an ASEAN Women for Peace Registry AWPR)

ဖိလစ်ပိုင်နိုင်ငံ၊ စီဘူးမြို့တွင် ၂၀၁၈ ခုနှစ် ဒီဇင်ဘာလ (၁၂)ရက်နေ့မှ (၁၅) ရက်နေ့အထိ ကျင်းပသည့် အာဆီယံအမျိုးသမီးများအတွက် ငြိမ်းချမ်းရေးမှတ်ပုံတင်စာရင်း တည်ထောင်ခြင်း ဆိုင်ရာ ဆွေးနွေးပွဲ (Symposium on the Establishment of an ASEAN Women for Peace Registry-AWPR) သို့ ပြည်သူ့လွှတ်တော်ကိုယ်စားလှယ် ဒေါ်ဇင်မာအောင်၊ ဗဟို စာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်၊ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ညွှန်ကြားရေးမှူးချုပ် ဒေါက်တာစန်းစန်းအေးနှင့် နိုင်ငံခြား ရေး ဝန်ကြီးဌာန၊ အာဆီယံရေးရာဦးစီးဌာနမှ ဒုတိယညွှန်ကြားရေးမှူးချုပ် ဒေါ်ခင်စန္ဒာတို့ တက် ရောက်ခဲ့ပါသည်။ အဆိုပါ ဆွေးနွေးပွဲသည် ဖိလစ်ပိုင်နိုင်ငံမှ စီစဉ်ဆောင်ရွက်သည့် ASEAN-IPR လှုပ်ရှား ဆောင်ရွက်မှုများမှ ပေါ်ထွက်လာသည့် အကြံပြုချက်များအရ ဆောင်ရွက်ခြင်းဖြစ်ပြီး ငြိမ်းချမ်း ရေးနှင့် ပြန်လည်သင့်မြတ်ရေးနယ်ပယ်များတွင် ကျွမ်းကျင်သည့် အာဆီယံအမျိုးသမီး ပညာရှင်များ ၏ အမည်မှတ်ပုံတင်စာရင်း (Registry) တစ်ရပ်တည်ထောင်ပြီး ကျွမ်းကျင်မှုဆိုင်ရာ အကူအညီ များ လိုအပ်ပါက အဆိုပါအမျိုးသမီး ကျွမ်းကျင်ပညာရှင်များထံ ချဉ်းကပ်ဆောင်ရွက်သွားရန်နှင့် အဆိုပါအမျိုးသမီးကျွမ်းကျင် ပညာရှင်များအား ဆွေးနွေးပွဲတွင် စုစည်း၍ ၂၀၁၇ ခုနှစ် နိုဝင်ဘာ လတွင် ဖိလစ်ပိုင်နိုင်ငံ၊ မနီလာမြို့၌ အတည်ပြုခဲ့သည့် အာဆီယံဒေသအတွင်း အမျိုးသမီးများ၊ ငြိမ်း ချမ်းရေးနှင့် လုံခြုံရေးမြှင့်တင်မှုဆိုင်ရာ ပူးတွဲထုတ်ပြန်ချက် (Joint Statement on Promoting Women, Peace and Security in ASEAN) အကောင်အထည်ဖော်ရေးနှင့် စပ်လျဉ်းသည့် အဓိကကိစ္စရပ်များကို ဆွေးနွေးရန် ဦးတည်ချက်များဖြင့် ကျင်းပခြင်း ဖြစ်ပါသည်။ (သတင်းစဉ်)