_0.png)
, 
နေပြည်တော်၊ အောက်တိုဘာလ (၁၉) ရက်
စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့မှ စာရင်းအင်းဥပဒေ၏ နည်းဥပဒေရေးဆွဲခြင်းဆိုင်ရာ ညှိနှိုင်းအစည်းအဝေးကို ၂၀၁၈ခုနှစ် အောက်တိုဘာလ(၁၈) ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ ဦးဆောင်ကျင်းပခဲ့ပါသည်။
အဆိုပါအစည်းအဝေးသည် ၂၀၁၈ခုနှစ်၊ ဇန်နဝါရီလ ၂၂ ရက်နေ့တွင် ပြဋ္ဌာန်းခဲ့သည့် စာရင်းအင်းဥပဒေ၏ နည်းဥပဒေရေးဆွဲရန်အတွက် သက်ဆိုင်ရာဌာနများနှင့် ညှိနှိုင်းဆွေးနွေး နိုင်ရန် ရည်ရွယ်၍ ကျင်းပခဲ့ခြင်းဖြစ်ပါသည်။ အစည်းအဝေးသို့ သက်ဆိုင်ရာ ဌာနအသီးသီးမှ တာဝန်ရှိသူများ တက်ရောက်ခဲ့ပါသည်။