စာရင်းအင်းဥပဒေအား ရှင်းလင်းတင်ပြခြင်း၊ စဉ်ဆက်မပြတ် ဖွံ့ဖြိုးမှုပန်းတိုင်များ (Sustainable Development Goals-SDGs) နှင့် စပ်လျဉ်း၍ အသိပညာပေးဆွေးနွေးခြင်းနှင့်  စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေးဆိုင်ရာ လုပ်ငန်းများအား ရှင်းလင်းဆွေးနွေးခြင်း အခမ်းအနားကို ၂၀၁၈ခုနှစ်၊ ဩဂုတ်လ (၁၃) ရက်နေ့၊ နံနက် (၉:၃၀) နာရီ၌ စစ်ကိုင်းတိုင်းဒေသကြီး အစိုးရအဖွဲ့ရုံးတွင် ကျင်းပခဲ့ရာ စစ်ကိုင်းတိုင်း​ဒေသကြီး၊ စီမံကိန်းနှင့် ဘဏ္ဍာရေးဝန်ကြီးဌာနဝန်ကြီး ဦးစိုးဦးမှ အဖွင့်အမှာစကား ပြောကြားခဲ့ပါသည်။

          ဆက်လက်၍ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ မြန်မာနိုင်ငံ စာရင်းအင်းဥပဒေအား ရှင်းလင်းတင်ပြခြင်း၊ စဉ်ဆက်မပြတ် ဖွံ့ဖြိုးမှုပန်းတိုင်များ (Sustainable Development Goals-SDGs) နှင့် ပတ်သက်သည့် ညွှန်ကိန်းများအကြောင်း ရှင်းလင်းတင်ပြခြင်း၊ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း(Myanmar Sustainable DevelopmentPlan-MSDP) နှင့် MSDP ကို စောင့်ကြည့် အကဲဖြတ်နိုင်စေရန်အတွက် အမျိုးသားညွှန်ကိန်းမူဘောင် (National Indicator Framework-NIF) အကောင်အထည်ဖော် ဆောင်ရွက်နေမှုများနှင့် စာရင်းအင်းအရည်အသွေးပြည့်ဝရေး ဆိုင်ရာ လုပ်ငန်းများကို ရှင်းလင်းတင်ပြခဲ့ပြီး  အစည်းအဝေးသို့ တက်​ရောက်လာကြသူများမှ သိလိုသည်များကို ပြန်လည်ဆွေးနွေးတင်ပြခဲ့ကြပါသည်။

          အစည်းအဝေးသို့ စစ်ကိုင်းတိုင်း​ဒေသကြီး စီမံကိန်းနှင့်ဘဏ္ဍာရေးဝန်ကြီးဌာန ဝန်ကြီး ဦးစိုးဦးနှင့် ဌာနဆိုင်ရာများမှ ဖိတ်ကြားထားသည့်ပုဂ္ဂိုလ်များ စုစုပေါင်း (၁၀၀) ဦးခန့် တက်ရောက်ခဲ့ကြပါသည်။ (သတင်းစဉ်)

မုံရွာမြို့၊၂၀၁၈ ခုနှစ်၊ ဩဂုတ်လ (၁၃) ရက်