နေပြည်တော်၊ ဇူလိုင်လ (၂၃) ရက်

ဗဟိုစာရင်းအင်းအဖွဲ့နှင့် Myanmar Information Management Unit (MIMU) တို့ပူးပေါင်း၍ GIS အထောက်အကူပြု Excel သင်တန်းဖွင့်ပွဲအခမ်းအနားကို ၂၀၁၈ ခုနှစ် ဇူလိုင်လ (၂၃) ရက်နေ့တွင်စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၂) ရှိအစည်းအဝေးခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်မှ အဖွင့်အမှာစကား ပြောကြားခဲ့ပါသည်။

အဆိုပါသင်တန်းသည် GIS နည်းပညာအသုံးပြုရာတွင် လိုအပ်သည့် Excel ဖိုင်များ တည်ဆောက်ရန် အထောက်အကူများစွာပြုသည့်အပြင် NSDS လုပ်ငန်းစဉ်များ အကောင် အထည်ဖော်ရာတွင် အစိတ်အပိုင်းတစ်ခုဖြစ်သော Geocoding and Geospatial Information အား GIS နည်းပညာဖြင့် မြေပုံများပြုလုပ်ရာတွင် အထောက်အပံ့ပြုရန်၊ စာရင်းအင်းဆိုင်ရာ အချက်အလက်များအား ပိုမိုစီမံခန့်ခွဲနိုင်ရန် ရည်ရွယ်၍ ဖွင့်လှစ်ခြင်းဖြစ်ပါသည်။ သင်တန်းကာလမှာ (၂၃.၇.၂၀၁၈) ရက်နေ့မှ (၂၆.၇.၂၀၁၈) ရက်နေ့အထိ ဖြစ်ပါသည်။

သင်တန်းသို့ ဗဟိုစာရင်းအင်းအဖွဲ့မှ သင်တန်းသား (၁၇) ဦး၊ အခြားဝန်ကြီးဌာနများမှ သင်တန်းသား (၉) ဦးဖြင့် စုစုပေါင်းသင်တန်းသား (၂၆) ဦး တက်ရောက်ခဲ့ပါသည်။