ဗဟိုစာရင်းအင်းအဖွဲ့တွင် အသုံးပြုရန် လိုအပ်သည့် Firewallဝယ်ယူခြင်းနှင့် (www.csotemplate.gov.mm) Websiteအဆင့်မြှင့်တင်ရန် လိုအပ်သော Graph Application ရေးသားခြင်းလုပ်ငန်းများအတွက် အိတ်ဖွင့်တင်ဒါဖွင့်ပွဲအခမ်းအနားကျင်းပခြင်း

, ,

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့တွင် အသုံးပြုရန် လိုအပ်သည့် Firewallဝယ်ယူခြင်းနှင့် (www.csotemplate.gov.mm) Website အဆင့်မြှင့်တင်ရန် လိုအပ်သော Graph Application  ရေးသားခြင်းလုပ်ငန်းများအတွက်  အိတ်ဖွင့်တင်ဒါဖွင့်ပွဲအခမ်းအနားကို၂၀၁၈ ခုနှစ်၊ဇွန်လ ၂၀ ရက်နေ့၊နေ့လယ်(၁၂:၀၀)နာရီအချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ ဗဟိုစာရင်းအင်းအဖွဲ့အစည်းအဝေးခန်းမ၌ကျင်းပရာစီမံကိန်းနှင့်ဘဏ္ဍာရေးဝန်ကြီးဌာနဒုတိယဝန်ကြီးဦးမောင်မောင်ဝင်းတက်ရောက်အမှာစကားပြောကြားခဲ့ပါသည်။

စီမံကိန်းနှင့်ဘဏ္ဍာရေးဝန်ကြီးဌာနဒုတိယဝန်ကြီးဦးမောင်မောင်ဝင်းမှ အမှာစကားပြောကြားရာတွင် ယခုပြုလုပ်သောတင်ဒါဖွင့်ပွဲမှာ၂၀၁၈ ခုနှစ် (ဧပြီလ မှ စက်တင်ဘာလအထိ) ဗဟိုစာရင်းအင်းအဖွဲ့၏ ငွေလုံးငွေရင်းအသုံးစရိတ်ဖြင့်ဝန်ကြီးဌာနWebsiteနှင့် ဗဟိုစာရင်းအင်းအဖွဲ့ရှိWebsiteများ၏ Cyber Security ပိုမိုကောင်းမွန်စေရေးအတွက် လုံခြုံမှုအဆင့်မြှင့်တင်ရန် ဝယ်ယူမည့် Firewall (၂)ခုနှင့် ဗဟိုစာရင်းအင်းအဖွဲ့၏အချက်အလက်ကွန်ယက်စနစ်ဖြစ်သော(https:// www.csotemplate.gov.mm) Website အဆင့်မြှင့်တင်ရန်အတွက် Reporting တွင် အသုံးပြုမည့် Graph Application ​ရေးသားခြင်းလုပ်ငန်းတို့အတွက် အိတ်ဖွင့်တင်ဒါဖွင့်ဖောက်စိစစ်ခြင်းအခမ်းအနားဖြစ်ပါကြောင်း၊ တင်ဒါများအားလုပ်ထုံးလုပ်နည်းများနှင့်အညီဆောင်ရွက်ကြရန်လိုအပ်ကြောင်း၊တင်ဒါဝင်ရောက်ယှဉ်ပြိုင်သူများအနေဖြင့်တင်သွင်းမည့်ပစ္စည်းများ၏Qualityနှင့် Specification များကိုသတ်မှတ်ထားသည့်အတိုင်းတိတိကျကျတင်သွင်းပေးရန်လိုအပ်ကြောင်း၊ စျေးနှုန်းကိုအဓိကမထားဘဲမိမိတို့လိုအပ်ချက်နှင့် ကိုက်ညီမှုရှိစေရေးကိုဦးစားပေးရွေးချယ်ရန်လိုအပ်ကြောင်း၊ပစ္စည်းများပေးပို့တင်သွင်းရာတွင်သတ်မှတ်ချိန်အတွင်းရောက်ရှိရန် လိုအပ်ကြောင်း၊ဈေးနှုန်းသက်သာစေရန်နှင့် အရည်အသွေးပြည့်ဝစေရန်လည်းဆောင်ရွက်ပေးစေလိုပါကြောင်းပြောကြားခဲ့ပါသည်။

       ဆက်လက်၍ ဗဟိုစာရင်းအင်းအဖွဲ့၊ ညွှန်ကြားရေးမှူးဒေါ်ညိမ်းညိမ်းမော်မှ တင်ဒါနှင့် ပတ်သက်သည့် စည်းမျဉ်းစည်းကမ်းများအားဖတ်ကြားရှင်းလင်းခဲ့ပြီး၊ တင်ဒါ ဝင်ရောက်ယှဉ်ပြိုင်သည့် ကုမ္ပဏီများမှ သိလိုသည်များမေးမြန်းဆွေးနွေးခဲ့ပါသည်။

တင်ဒါတင်သွင်းရာတွင် Firewall (၂) ခုအတွက် ကုမ္ပဏီ (၆) ခုနှင့် Graph Application ရေးသားခြင်းလုပ်ငန်းအတွက် ကုမ္ပဏီ (၃) ခုတို့မှ တင်ဒါတင်သွင်းခဲ့ကြပါသည်။

အခမ်းအနားသို့ဗဟိုစာရင်းအင်းအဖွဲ့၊ဒုတိယညွှန်ကြားရေးမှူးချုပ်ဦးသန်းဇော်၊ ညွှန်ကြားရေးမှူးများနှင့်သက်ဆိုင်ရာဌာနများမှ အိတ်ဖွင့်တင်ဒါ ခေါ်ယူရေးကော်မတီအဖွဲ့ဝင် များ၊ တင်ဒါတင်သွင်းကြသည့် ကုမ္ပဏီများမှ ကိုယ်စားလှယ်များတက်ရောက်ခဲ့ကြ ပါသည်။

(သတင်းစဥ်)