Myanmar Information Management Unit (MIMU) နှင့်   One Map Myanmar တို့၏ အကူအညီဖြင့် “Intermediate Level QGIS” သင်တန်းဖွင့်ပွဲအခမ်းအနားကို ၂၀၁၈ခုနှစ် မေလ(၁၇)ရက်နေ့ နံနက်(၁၀:၀၀)နာရီ အချိန်တွင် စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ် (၃၂)ရှိ အစည်းအဝေးခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ် ဦးသန်းဇော်မှ အဖွင့်အမှာစကားပြောကြားခဲ့ပါသည်။

အဆိုပါသင်တန်းသို့ အထွေထွေအုပ်ချုပ်ရေးဦးစီးဌာန၊ လယ်ယာမြေစီမံခန့်ခွဲရေးနှင့်စာရင်း အင်းဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မိုးလေဝသနှင့်ဇလဗေဒညွှန်ကြားမှု ဦးစီးဌာန၊ မြေတိုင်းဦးစီးဌာန၊ ပြည်သူ့အင်အားဦးစီးဌာန၊ စက်မှုနည်းပညာမြှင့်တင်ရေးနှင့် ပူးပေါင်းဆောင်ရွက်ရေးဦးစီးဌာန၊ စီမံကိန်းရေးဆွဲရေးဦးစီးဌာန၊ ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာနနှင့် ဗဟိုစာရင်းအင်းအဖွဲ့တို့မှ သင်တန်းသား/သူ စုစုပေါင်း (၂၅)ဦး တက်ရောက်ခဲ့ကြ ပါသည်။  

သင်တန်းတွင် GIS နည်းပညာကိုအသုံးပြု၍ မြေပုံများဖြင့် သတင်းအချက်အလက်များ  ခေတ်စနစ်နှင့်အညီ ထုတ်ပြန်နိုင်ရန်အတွက် သင်ကြားပို့ချသွားမည်ဖြစ်ပါသည်။ သင်တန်းကာလ မှာ (၁၇-၅-၂၀၁၈)ရက်နေ့မှ (၂၃-၅-၂၀၁၈)ရက်နေ့အထိ ဖြစ် ပါသည်။(သတင်းစဉ်)

နေပြည်တော်၊ မေလ (၁၇) ရက်