၂၀၁၈ခုနှစ် မေလ(၁၀)ရက်နေ့၊ နေ့လည်(၂:၀၀) နာရီအချိန်တွင် စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမတွင် ဗဟိုစာရင်းအင်းအဖွဲ့မှ အသစ်ခန့် အပ်ထားရှိသည့် ဒုတိယစာရင်းအင်းမှူး(၁၀၀)ဦးအတွက် ရည်ရွယ်ဖွင့်လှစ်သည့်  လုပ်ငန်းခွင် အကြိုသင်တန်း Presentation Skill ပြိုင်ပွဲကို အုပ်စုအလိုက် ခေါင်းစဉ်(၅)ခုခွဲ၍ ကျင်းပ ခဲ့ပါသည်။

အခမ်းအနားတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ ပြိုင်ပွဲစည်းမျဉ်းစည်းကမ်းများနှင့် ပတ်သက်၍လိုက်နာရမည့် အချက်များဖြစ်သည့် (၁) PowerPoint ၏ Visual Appeal (၂) တင်ပြသည့် အကြောင်းအရာအပေါ် နားလည် သဘောပေါက်မှု (Understanding and Comprehensiveness) (၃) တင်ဆက်ပုံ ကျွမ်းကျင်မှု (Presentation Skill) အသံနေအသံထား နှင့် ကိုယ်နှုတ်အမူအယာ (၄) အချိန်မီ တင်ပြနိုင်မှု (Content and Timeliness)(၅)ကြိုတင်ပြင်ဆင်မှု၊ ပူးပေါင်းပါဝင်ဆောင်ရွက်မှုနှင့် အုပ်စုလိုက် လှုပ်ရှားမှု( Preparedness, Participatory and Teamwork ) စသည် စည်းမျဉ်း စည်းကမ်းများ အပါအဝင် လိုအပ်သည်များ လမ်းညွှန်အမှာစကားပြောကြားခဲ့ပါသည်။

အဆိုပါ လုပ်ငန်းခွင် အကြိုသင်တန်းကို ဗဟိုစာရင်းအင်းအဖွဲ့ ရုံးချုပ်တွင် (၂)လကြာ သင်ကြားပို့ချခဲ့ပြီး  ကွန်ပျူတာကျွမ်းကျင်မှု နှင့် ဘာသာရပ်ဆိုင်ရာ ရေးဖြေ စာမေးပွဲများ ကျင်းပပြုလုပ်ခဲ့ပြီး ဖြစ်ပါသည်။

          (သတင်းစဉ်)