နေပြည်တော် ၊ ဩဂုတ် ၁၄

စီမံကိန်းနှင့်ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာန၊ အလယ်အလတ် အဆင့် အရာထမ်းမွမ်းမံသင်တန်း အမှတ်စဉ် (၂/၂၀၂၃) ဖွင့်ပွဲအခမ်းအနားကို ယနေ့နံနက် ၉ နာရီတွင် နေပြည်တော် ရုံးအမှတ် (၄၆) ရှိ ပြည်တွင်းအခွန်များဦးစီးဌာန၊ အစည်းအဝေးခန်းမ၌ ကျင်းပရာ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း တက်ရောက် အမှာစကားပြောကြားသည်။

ဦးစွာ ဒုတိယဝန်ကြီးက နိုင်ငံတော်အတွက် ရသင့်ရထိုက်သည့်အခွန်ငွေများ ဥပဒေနှင့် အညီ အပြည့်အဝကောက်ခံရရှိနိုင်ရေးအတွက် အခွန်ဝန်ထမ်းများ၏ လုပ်ငန်းစွမ်းဆောင်ရည် မြှင့်တင်ပေးရန်ရည်ရွယ်ချက်ဖြင့် ယခုကဲ့သို့သောမွမ်းမံသင်တန်းများကို စဉ်ဆက်မပြတ်ဖွင့်လှစ် ပို့ချပေးနေခြင်းဖြစ်ကြောင်း၊ ယခုသင်တန်းတွင် အခွန်ဝန်ထမ်းများအနေဖြင့် သိသင့်သိထိုက် သည့် အခွန်ဆိုင်ရာဥပဒေ၊ နည်းဥပဒေနှင့်စည်းမျဉ်းများ၊ ဘဏ္ဍာရေးနှင့်ငွေကြေးဆိုင်ရာ လုပ်ထုံး လုပ်နည်းများ၊ အခွန်ဆိုင်ရာသတင်းစာရင်းစုဆောင်းသည့်လုပ်ငန်းအတွေ့အကြုံများ၊ အခွန် ကောက်ခံမှုနှင့်ဆက်စပ်နေသော သွင်းကုန်/ထုတ်ကုန်လုပ်ငန်းစဉ်မူဝါဒများ၊ အိမ်/ခြံ/မြေတန်ဖိုး ဖြတ်ခြင်းနှင့် ဝင်ငွေရလမ်းစိစစ်ခြင်းဆိုင်ရာကိစ္စရပ်များကို စာတွေ့၊လက်တွေ့ ဆွေးနွေးပို့ချပေး သွားမည်ဖြစ်ပါကြောင်း၊ အလယ်အလတ်အဆင့်အရာထမ်းများသည် အထက်အဆင့်နှင့်အောက် အဆင့်ကြားတွင် စီမံခန့်ခွဲမှုများ ဟန်ချက်ညီအောင် ထိန်းညှိဆောင်ရွက်ပေးရသော အရာထမ်း များဖြစ်ကြသဖြင့် လုပ်ငန်းရည်ရွယ်ချက်များ အောင်မြင်ရေးအတွက် ဆက်စပ်နေသည့် အခြား ဝန်ကြီးဌာန/အဖွဲ့အစည်းများနှင့်လည်း အပြန်အလှန်ဆက်သွယ်၍ ညှိနှိုင်းပေါင်းစပ်ဆောင်ရွက် ကြရန်လိုကြောင်း၊ မိမိတာဝန်ယူဆောင်ရွက်ရသည့်လုပ်ငန်းနယ်ပယ်တွင် ကျွမ်းကျင်မှုရှိစေရေး အတွက် ခေတ်စနစ်နှင့်လျော်ညီသော အခွန်စီမံခန့်ခွဲမှုဆိုင်ရာကိစ္စရပ်များကို စဉ်ဆက်မပြတ် လေ့လာသင်ယူနေကြရန်လိုကြောင်း၊ယခုသင်တန်းကို တာဝန်အရတက်ရောက်သည်ဟု သဘော မထားဘဲ မိမိကိုယ်ကို အမြဲတမ်းလေ့လာသင်ယူလိုစိတ်၊ တိုးတက်အောင် ကြိုးစားချင်စိတ်နှင့် မိမိတာဝန်ထမ်းဆောင်နေသည့် ဌာနအဖွဲ့အစည်း ပိုမိုတိုးတက်ကောင်းမွန်အောင် ဆောင်ရွက် ပေးလိုစိတ်များဖြင့် သင်တန်းကာလတစ်လျှောက် အလေးအနက်ထားသင်ယူကြရန် လိုအပ် ကြောင်း ပြောကြားပါသည်။ 

သင်တန်းဖွင့်ပွဲအခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာနအောက်ရှိ လုပ်ငန်း၊ အဖွဲ့အစည်းများ၊ ဦးစီးဌာနများမှ ဦးဆောင်ညွှန်ကြားရေးမှူးများနှင့် ညွန်ကြားရေးမှူးချုပ်များ၊ အဆင့်မြင့်အရာရှိကြီးများ၊ သင်တန်းနည်းပြများ တက်ရောက်ကြသည်။ သင်တန်းတွင် သင် တန်းသား/သင်တန်းသူ လက်ထောက်ညွှန်ကြားရေးမှူး စုစုပေါင်း (၄၀) ပါဝင် တက်ရောက်ပြီး၊ သင်တန်းကာလမှာ ရက်သတ္တပတ် (၂) ပတ် ဖြစ်ကြောင်း သိရသည်။     

                  သတင်းစဉ်