မြန်မာနိုင်ငံ အမျိုးသား လူ့အခွင့်အရေး ကော်မရှင်အကြောင်း သိကောင်းစရာများရှင်းလင်းဆွေးနွေး

,

မြန်မာနိုင်ငံ အမျိုးသား လူ့အခွင့်အရေး ကော်မရှင်မှ လူ့အခွင့်အရေးကော်မရှင်အကြောင်း သိကောင်းစရာများ ရှင်းလင်းဆွေးနွေးပွဲအခမ်းအနားအား ယနေ့ နံနက် (၉)နာရီခွဲ အချိန်တွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၁) အစည်းအဝေးခန်းမ၌ ကျင်းပ ခဲ့သည်။ အဆိုပါရှင်းလင်းပွဲသို့ မြန်မာနိုင်ငံ အမျိုးသားလူ့အခွင့်အရေးကော်မရှင်မှ ဒုတိယ ဥက္ကဋ္ဌ ဦးစစ်မြိုင်၊ စီမံကိန်းနှင့် ဘဏ္ဍာရေးဝန်ကြီးဌာနအောက်ရှိ ဦးစီးဌာနနှင့် အဖွဲ့အစည်းများမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် အရာထမ်းအမှုထမ်းများ တက်ရောက်ခဲ့ကြသည်။

မြန်မာနိုင်ငံ အမျိုးသား လူ့အခွင့်အရေး ကော်မရှင်မှ ဒုတိယဥက္ကဋ္ဌ ဦးစစ်မြိုင်က လူ့အခွင့် အရေးဆိုင်ရာ အခြေခံအယူအဆများနှင့် ကမ္ဘာ့လူ့အခွင့်အရေး ကြေညာစာတမ်းအကြောင်းအား ရှင်းလင်းပြောကြားသည်။ဆက်လက်၍ ကော်မရှင်အဖွဲ့ဝင် ဒေါက်တာ မြင့်ကြည်က မြန်မာနိုင်ငံ အမျိုးသား လူ့အခွင့်အရေး ကော်မရှင်ဖွဲ့စည်းခြင်း၊ လုပ်ငန်းဆောင်ရွက်ချက်များအကြောင်း ရှင်းလင်းဆွေးနွေးခဲ့သည်။ ထို့နောက် ဆွေးနွေးပွဲအခမ်းအနားသို့ တက်ရောက်လာကြသူများမှ လူ့အခွင့်အရေးနှင့်သက်ဆိုင်သည့် မိမိတို့သိလိုသော မေးခွန်းများ အား မေးမြန်းခြင်းနှင့် ပြန် လည်  ဆွေးနွေးဖြေကြားခြင်းများပြုလုပ်၍ လူ့အခွင့်အရေးကော်မရှင်အကြောင်း သိကောင်းစရာများ ရှင်းလင်းပွဲအခမ်းအနားအား နေ့လယ် (၁၂)နာရီတွင် ရုပ်သိမ်းခဲ့ကြောင်း သတင်းရရှိသည်။

နေပြည်တော် ဇွန် ၂၉
(သတင်းစဉ်)