အာဆီယံဒေသတွင်းထုတ်လုပ်မှုနှင့် ဈေးကွက်ယှဉ်ပြိုင်နိုင်စွမ်းမြှင့်တင်ရေး လုပ်ငန်းစီမံချက်ပါ အာဆီယံစီးပွားရေးအသိုက်အဝန်း(အေအီးစီ) ၂၀၂၅ အကောင်အထည်ဖော်ရေး လုပ်ငန်းကော်မတီများ၏စတုတ္ထအကြိမ် ညှိနှိုင်းအစည်းအဝေးကျင်းပ

    အာဆီယံဒေသတွင်းထုတ်လုပ်မှုနှင့် ဈေးကွက်ယှဉ်ပြိုင်နိုင်စွမ်းမြှင့်တင်ရေး လုပ်ငန်း စီမံချက်ပါ အာဆီယံစီးပွားရေးအသိုက်အဝန်း(အေအီးစီ) ၂၀၂၅ အကောင်အထည်ဖော်ရေး လုပ်ငန်းကော်မတီများ၏ စတုတ္ထအကြိမ် ညှိနှိုင်းအစည်းအဝေးကို ယနေ့ နံနက် ()နာရီခွဲ အချိန်တွင် စီမံကိန်းနှင့်ဘဏ္ဍာရေးဝန်ကြီးဌာန ၊ ရုံးအမှတ်() ၊ အစည်းအဝေးခန်းမ၌ ကျင်းပရာ စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးဦးစိုးဝင်းမှ တက်ရောက်၍ အဖွင့် အမှာစကား ​ပြောကြားခဲ့သည်။

     ပြည်ထောင်စုဝန်ကြီးမှ ပြောကြားရာတွင် အာဆီယံ စီးပွားရေးအသိုက်အဝန်း (အေအီးစီ) ၂၀၂၅ အကောင်အထည်ဖော်ရေးဆိုင်ရာ နှစ်အလိုက် ဦးစားပေး အကောင်အထည်ဖော်ရမည့် အေအီးစီ Measures များ၏ ဆောင်ရွက်မှု အခြေအနေများကိုဆွေးနွေးရန်နှင့်  လုပ်ငန်းကော်မတီ အသီးသီးရှိ ဘာသာရပ်ဆိုင်ရာဌာနများမှ ယင်းတို့၏ Sectoral Bodies အလိုက် ဆောင်ရွက် လျက်ရှိသည့် ကိစ္စရပ်များ၌ မူဝါဒတောင်းခံရန် ကိစ္စရပ်များ၊ အဆုံးအဖြတ်ပေးရန်ရှိသည့် ကိစ္စရပ်များနှင့်စပ်လျဉ်း၍ ဆွေးနွေးညှိနှိုင်းရန် ဖြစ်ပါကြောင်း၊ AEC Measures များ အကောင်အထည်ဖော်ပြီးစီးမှု၊ ဆောင်ရွက်ရန် ကျန်ရှိနေမှုနှင့် ကြုံတွေ့နေရသည့် အခက်အခဲ များကို ဆွေးနွေးရန်ဖြစ်ပါကြောင်း၊ ၂၀၁၈ ခုနှစ် နိုဝင်ဘာလ ၁၁ ရက်နေ့မှ ၁၅ ရက်နေ့အတွင်း စင်ကာပူနိုင်ငံ၌ ကျင်းပမည့် ၃၃ ကြိမ်မြောက် အာဆီယံ ထိပ်သီးအစည်းအဝေး ကာလအတွင်း စီးပွားရေးဝန်ကြီးများမှ လက်မှတ်ရေးထိုးရန်ရှိသည့် ကိစ္စရပ်များ၏ ဆောင်ရွက်ထားရှိမှု အခြေ အနေများကို ဆွေးနွေးရန် ကျင်းပရခြင်းဖြစ်ပါကြောင်း။

   အေအီးစီ ၂၀၂၅ အကောင်အထည်ဖော်မှုနှင့် စပ်လျဉ်း၍  ၂၀၁၈ ခုနှစ်သည် အေအီးစီ ၂၀၂၅ ဖော်ဆောင်ခြင်း၏ တတိယနှစ်ဖြစ်သလိုအေအီးစီ ၂၀၂၅  လမ်းပြမြေပုံ (AEC Blueprint 2025) အရ သက်ဆိုင်ရာလုပ်ငန်းအဖွဲ့များမှ ရေးဆွဲထားသည့် Action Plan များကို စုစည်းထားသော မဟာဗျူဟာလုပ်ငန်းစီမံချက် (AEC 2025 Consolidated Strategic Action Plan -CSAP) ၌ ပါဝင်သည့် work plan (၂၃) ခုလုံးကိုအာဆီယံ နိုင်ငံအားလုံးက အတည်ပြုပြီးဖြစ်၍ အေအီးစီ ၂၀၂၅ ကို အချိန်နှင့်တစ်ပြေးညီ ပီပီပြင်ပြင် အကောင်အထည် ဖော်ကြရမှာဖြစ်ကြောင်း၊ အာဆီယံ စီးပွားရေးအသိုက်အဝန်း မဏ္ဍိုင်အနေဖြင့် နှစ်အလိုက်ဆောင်ရွက်မည့် AEC Measures တွေကို သတ်မှတ်သလို အာဆီယံအလှည့်ကျ ဥက္ကဋ္ဌနိုင်ငံများသည်လည်း ၎င်းတို့ တာဝန်ထမ်းဆောင်နေစဉ် အချိန်ကာလအတွင်းမှာ စီးပွားရေးအပိုင်းနှင့် စပ်လျဉ်း၍ Priority Economic Deliverables တွေကို ချမှတ်ဆောင်ရွက်ခဲ့ကြတာကို တွေ့ရကြောင်း၊ ၂၀၁၈ ခုနှစ် စင်ကာပူနိုင်ငံ အာဆီယံ အလှည့်ကျ ဥက္ကဋ္ဌတာဝန်ယူစဉ် ကာလအတွင်းဦးစားပေး အကောင်အထည် ဖော်ဆောင်ရွက်မည့် Priority Economic Deliverables (၁၃) ခုအနက် () ခုသည် ဆောင်ရွက်ပြီးဖြစ်ပြီး ()ခုသည် မကြာမီပြီးစီးအောင် ဆောင်ရွက်နိုင်မှာဖြစ်တာကို တွေ့ရှိရတဲ့အတွက် အဆိုပါ Priority Economic Deliverables များသည် ရည်မှန်းထားသည့် အချိန်အတွင်းပြီးစီးအောင် ဆောင်ရွက် နိုင်တဲ့အတွက် AEC 2025 အကောင်အထည်ဖော်ရာတွင် အထောက်အကူ ဖြစ်စေကြောင်း။

    အေအီးစီ ၂၀၂၅ ကို ၂၀၁၆ ခုနှစ်မှ ၂၀၂၅ ခုနှစ်အထိအကောင်အထည် ဖော်ကြရမှာ ဖြစ်ကြောင်း၊ မြန်မာနိုင်ငံအနေဖြင့် အကောင်အထည်ဖော် ဆောင်ရွက်ရန် measure (၁၅၆) ခုရှိရာ measure စုစုပေါင်း (၅၁) ခု အကောင်အထည် ဖော်ခဲ့ပြီးဖြစ်ကြောင်း၊ အကောင်အထည်ဖော် ဆောင်ရွက်ရန် ကျန်ရှိသည့် Measures များကိုသတ်မှတ်ထားသည့် ကာလအတွင်း အချိန်မီ ဆောင်ရွက်နိုင်ရေးအတွက် ကဏ္ဍအလိုက် သက်ဆိုင်ရာဌာနများမှ အကောင်အထည်ဖော် ဆောင်ရွက်ပေးကြပါရန် အလေးအနက် တွန်းအားပေးလိုကြောင်း၊ အေအီးစီ ၂၀၂၅         အကောင်အထည်ဖော်ရာ၌ ပြီးစီးမှုအခြေအနေကို အေအီးစီ ၂၀၂၅ စောင့်ကြည့်ခြင်းနှင့်             အကဲဖြတ်ခြင်းမူဘောင် (AEC 2025 Monitoring and Evaluation Framework) ဖြင့် တိုင်းတာလျက်ရှိပြီး country visit ကိုအာဆီယံနိုင်ငံများမှ  voluntary basis ဖြင့် ဆောင်ရွက် လျက်ရှိကြောင်း၊ country visit ကိုသက်ဆိုင်ရာနိုင်ငံအလိုက် National Focal  Point နှင့် အာဆီယံအတွင်းရေးမှူးချုပ်ရုံးတို့ ပူးပေါင်း၍ သက်ဆိုင်ရာကဏ္ဍအလိုက် Survey ပြုလုပ်သွားမှာ ဖြစ်ကြောင်း။

    လက်ရှိမှာလာအို၊ ဖိလစ်ပိုင်နှင့် အင်ဒိုနီးရှားနိုင်ငံတို့မှာဆောင်ရွက်ပြီးဖြစ်ပါတယ်။ ၂၀၁၈ ခုနှစ်တွင် မလေးရှားနှင့် ဘရူးနိုင်းနိုင်ငံတို့က ဆောင်ရွက်လျက်ရှိပါကြောင်း၊ ၁ နှစ်လျှင် ၂ နိုင်ငံ စီဖြင့် ဆောင်ရွက်လျက်ရှိတဲ့အတွက် မြန်မာနိုင်ငံကလည်း နောက်()နှစ်အတွင်းမှာ ဆောင်ရွက် ပေးရမှာ ဖြစ်ပါတယ်ဆိုတာကို ကြိုတင်အသိပေးလိုခြင်း ဖြစ်ပါကြောင်း၊ အာဆီယံဟာ ကမ္ဘာမှာ တတိယမြောက် လုပ်သားအင်အား အများဆုံးနှင့် ဆဋ္ဌမမြောက် အကြီးဆုံး စီးပွားရေး အသိုက်အဝန်းကြီးအဖြစ် ရပ်တည်လျက်ရှိနေပြီး ၂၀၃၀ ပြည့်နှစ်မှာကမ္ဘာ့ စတုတ္ထမြောက် အကြီးဆုံးတစ်ခုတည်းသောစျေးကွက်ဖြစ်လာနိုင်စေဖို့ ဦးတည်မျှော်မှန်းထားကြောင်း၊ အာဆီယံရဲ့ ဖွံ့ဖြိုးတိုးတက်မှုမှာ မြန်မာနိုင်ငံက နောက်ကျကျန်မနေဘဲ လိုက်ပါနိုင်ဖို့ လိုပါကြောင်း။

    ဝန်ကြီးဌာနများအနေဖြင့်မိမိတို့၏ ရည်မှန်းချက်များကို အကောင်အထည်ဖော်ခြင်းဖြင့် အာဆီယံ၏ ရည်မှန်းချက်များ ပါပြီးမြောက်ရန်အတွက် National နဲ့ Regional ရည်မှန်း ချက်များ လိုက်လျောညီထွေ ချမှတ်ဆောင်ရွက်ရန်လိုအပ်ပြီး MSMEs ဖွံ့ဖြိုးတိုးတက်စေရေး ဆက်လက်ဆောင်ရွက်ရန်၊ ကုန်သွယ်မှုနှင့်ပတ်သက်သည့် ကောင်းမွန်သော လုပ်ထုံးလုပ်နည်း အလေ့ အထများ (Good Regulatory Practice-GRP) ကိုအားပေးမြှင့်တင်ရန်၊ သဘာဝပတ်ဝန်းကျင်ကို ထိခိုက်မှုမရှိသော ရေရှည်ဖွံ့ဖြိုးတိုးတက်မှု (Sustainable Economic Development) ကို အားပေးရန်နှင့် ဒစ်ဂျစ်တယ်စနစ်စီးပွားရေးလုပ်ငန်းများ (Digital Economy) ကိုလည်း ဖော်ဆောင်ရန် လိုအပ်ကြောင်းတို့ကို ပြောကြားခဲ့သည်။

    ဆက်လက်၍ အမြဲတမ်းအတွင်းဝန် ဦးထွန်းထွန်းနိုင်က (၁၇)ကြိမ်မြောက် အာဆီယံ စီးပွားရေးအသိုက်အဝန်းကောင်စီ အစည်းအဝေး၊ အာဆီယံစီးပွားရေးဝန်ကြီးများ၏ အကြိုညှိနှိုင်း အစည်းအဝေးနှင့် စပ်လျဉ်း၍ ဆွေးနွေးခဲ့သည်။ ဆက်လက်၍ သက်ဆိုင်ရာ ဦးစီးဌာနများနှင့် လုပ်ငန်းကော်မတီအသီးသီးတို့မှ လုပ်ငန်းပြီးစီးမှု အခြေအနေများနှင့် ဆက်လက်ဆောင်ရွက်မည့် ကိစ္စရပ်များအား ဆွေးနွေးခဲ့ကြသည်။

      ပထမအကြိမ် ညှိနှိုင်းအစည်းအဝေးကို  ၁၆-၂-၂၀၁၇ ရက်နေ့တွင် ကျင်းပခဲ့ပြီး အေအီးစီ ၂၀၂၅ စီမံချက်ပါ လုပ်ငန်းကော်မတီများ၏ ရည်ရွယ်ချက်၊ ဖွဲ့စည်းပုံ၊ တာဝန်များနှင့် စပ်လျဉ်း၍ ဆွေးနွေးခဲ့ကြသည်။ ဒုတိယအကြိမ် ညှိနှိုင်းအစည်းအဝေးကို ၂၆--၂၀၁၇ ရက်နေ့က ကျင်းပ ခဲ့ပြီး အာဆီယံဒေသတွင်း ထုတ်လုပ်မှုနှင့်‌ စျေးကွက်ယှဉ်ပြိုင်နိုင်စွမ်း မြှင့်တင်ရေးလုပ်ငန်း စီမံချက်အရ လုပ်ငန်းကော်မတီအလိုက် တာဝန်ခွဲဝေဆောင်ရွက်မည့် ဝန်ကြီးဌာနများနှင့် အေအီးစီ ၂၀၂၅ အတွက် နှစ်အလိုက် ဦးစားပေးအကောင်အထည်ဖော်ရမည့် AEC Measures တို့နှင့် စပ်လျဉ်းပြီး ညှိနှိုင်းခဲ့ကြသည်။တတိယအကြိမ် ညှိနှိုင်းအစည်းအဝေးကို ၁၉--၂၀၁၈ ရက်နေ့က ကျင်းပခဲ့ပြီး အေအီးစီ ၂၀၂၅ အကောင်အထည်ဖော်မှု အခြေအနေများနှင့် နှစ်အလိုက် ဦးစားပေး အကောင်အထည်ဖော်ရမည့် AEC Measures များနှင့် စပ်လျဉ်း၍ပြောကြားခဲ့သည်။

    အာဆီယံ စီးပွားရေးအသိုက်အဝန်း  (အေအီးစီ) ၂၀၂၅ အကောင်အထည်ဖော်ရေး လုပ်ငန်း ကော်မတီ များ၏စတုတ္ထအကြိမ် ညှိနှိုင်းအစည်းအဝေးသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီးများ၊ မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ၊ ဖိတ်ကြားထားသည့် ဝန်ကြီးဌာန အသီးသီးမှ အမြဲတမ်းအတွင်းဝန်များနှင့် ညွှန်ကြားရေးမှူးချုပ်များ တက်ရောက်ခဲ့ကြကြောင်း သတင်းရရှိသည်။

(သတင်းစဉ်)

နေပြည်တော် ၊ နိုဝင်ဘာ  ၆

 

,