စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီး ဝန်ကြီးဌာန လက်အောက်ရှိ ဌာနဆိုင်ရာ ဝန်ထမ်းများနှင့် တွေ့ဆုံ

စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်ထောင်စုဝန်ကြီး ဦးကျော်ဝင်းသည် ယနေ့ နံနက်(၉)နာရီခွဲတွင် ပြည်နယ်အစိုးရအဖွဲ့ရုံး၊ ဆမားဒူဝါဆင်ဝါးနော်ခန်းမ၌ ဝန်ကြီးဌာန လက်အောက်ရှိ ဦးစီးဌာနများ၊ ဘဏ်ဝန်ထမ်းများနှင့် တွေ့ဆုံ အမှာစကား ပြောကြားသည်။
တွေ့ဆုံရာတွင် ပြည်ထောင်စုဝန်ကြီးက နိုင်ငံတော်အတွက် အရေးကြီးသည့် စီးပွားရေး ကဏ္ဍကို တာဝန်ယူ ဆောင်ရွက်ရသည့်အတွက် ဝန်ထမ်းများအနေဖြင့် မိမိတို့အလုပ်ကို ဂုဏ်ယူစွာ ဆောင်ရွက်တတ်စေရန်နှင့် စည်းစည်းလုံးလုံးဖြင့် ပူးပေါင်းဆောင်ရွက်ကြရန် လိုအပ်ကြောင်း၊ ငွေကြေးများကို ကိုင်တွယ်ဆောင်ရွက်ရသည့်အတွက် အဂတိတရား ကင်းရှင်း စွာဖြင့် ဆောင်ရွက်သွားကြရမည်ဖြစ်ကြောင်း၊ ပြည်နယ် အဆင့်တာဝန်ခံများသည် ခေါင်းဆောင် ကောင်းများအဖြစ် တာဝန်ယူဆောင်ရွက်စေရန် လိုအပ်ကြောင်းနှင့် ပြဿနာအခက်အခဲ စိန်ခေါ်မှုများကို ရင်ဆိုင်ဖြေရှင်းနိုင်ခြင်းဖြင့် ရင့်ကျက်သည့် ခေါင်းဆောင်များ ဖြစ်ရန်လို ကြောင်း၊ မိမိတို့၏ တန်ဖိုးကိုသိ၍ စိန်ခေါ်မှုများကို ဖြေရှင်းဆောင်ရွက်တတ်ကြရန် လိုအပ် ကြောင်းဖြင့် မှာကြားခဲ့ကြောင်း သတင်းရရှိသည်။