ရသုံးမှန်းခြေငွေစာရင်းဦးစီးဌာန

ဖွဲ့စည်းပုံအဆင့်ဆင့်ပြောင်းလဲလာမှု       

အစိုးရ၏ ပြည်သူ့ဘဏ္ဍာရေးစီမံခန့်ခွဲမှုနှင့်ပတ်သက်၍ နှစ်စဉ်အစိုးရ၏ ရသုံးခန့်မှန်းခြေ ငွေစာရင်းများရေးဆွဲခြင်း၊ စိစစ်တင်ပြခြင်း၊ ကြီးကြပ်ကွပ်ကဲခြင်းတို့ကို ရသုံးမှန်းခြေငွေစာရင်းဦးစီး ဌာနကဆောင်ရွက်လျက်ရှိပါသည်။ ရသုံးမှန်းခြေငွေစာရင်းဦးစီးဌာနအား အရာထမ်းရာထူး (၁၆၁) နေရာ၊အမှုထမ်းရာထူး(၃၂၀) နေရာ၊စုစုပေါင်း ရာထူး(၄၈၁)နေရာပါဝင်သောဖွဲ့စည်းပုံမှ ၂၀၁၀ ခုနှစ် မှ ၂၀၁၅ ခုနှစ်အထိ ကာလအတွင်း(၃)ကြိမ် ပြင်ဆင်ဖွဲ့စည်းခဲ့ပါသည်။ ရသုံးမှန်းခြေ ငွေစာရင်းဦးစီးဌာန (ရုံးချုပ်)၊တိုင်းဒေသကြီး/ပြည်နယ် ရသုံးမှန်းခြေငွေစာရင်းဦးစီးဌာနရုံး(၁၄) ရုံး၊ ကိုယ်ပိုင်အုပ်ချုပ်ခွင့်ရတိုင်း (၁)ရုံး ၊ ကိုယ်ပိုင်အုပ်ချုပ်ခွင့်ရဒေသ ၊ ရသုံးမှန်းခြေငွေစာရင်းဦးစီး ဌာနရုံး(၅) ရုံး တိုးချဲ့၍ အရာထမ်း(၃၀၇)နေရာ၊ အမှုထမ်း(၆၁၂)နေရာ၊ စုစုပေါင်းရာထူး (၉၁၉) နေရာဖြင့် ၂၀၁၀ခုနှစ်၊ ဇူလိုင်လ(၂၃)ရက်နေ့တွင် ကျင်းပသော ပြည်ထောင်စုမြန်မာနိုင်ငံတော် အစိုးရအဖွဲ့ အစည်းအဝေးအမှတ်စဉ် (၂၈/၂၀၁၀) ၏ သဘောတူခွင့်ပြုချက်အရ ပြင်ဆင်တိုးချဲ့ ဖွဲ့စည်းခဲ့ပါသည်။

ဆက်လက်၍ ၂၀၀၈ ဖွဲ့စည်းပုံအခြေခံဥပဒေနှင့်အညီ ပြည်ထောင်စုနှင့် တိုင်းဒေသကြီး သို့မဟုတ် ပြည်နယ်အစိုးရအဖွဲ့များအကြား ဆက်သွယ်ဆောင်ရွက်မှုကိစ္စများအား အဆင်ပြေ ချောမွေ့စွာ ဆောင်ရွက်နိုင်ရန်အတွက်  ရသုံးမှန်းခြေငွေစာရင်းဦးစီးဌာနတွင် ဌာနခွဲ(၃) ခု  တိုးချဲ့ ဖွဲ့စည်းခဲ့ပြီး၊ အရာထမ်း (၃၁၅)နေရာ၊ အမှုထမ်း (၆၈၄) နေရာ၊ စုစုပေါင်းရာထူး (၉၉၉) နေရာဖြင့် ၁၉-၆-၂၀၁၄ ရက်နေ့တွင်ကျင်းပသော ပြည်ထောင်စုအစိုးရအဖွဲ့အစည်းအဝေး အမှတ်စဉ် (၁၂/၂၀၁၄) ၏ သဘောတူ  ခွင့်ပြုချက်အရပြင်ဆင်ဖွဲ့စည်းခဲ့ပါသည်။ ထို့ပြင် ငွေကြေးစီမံခန့်ခွဲမှုနှင့် ချေးငွေစီမံ ခန့်ခွဲမှု လုပ်ငန်း များကို ပိုမိုထိရောက်စွာဆောင်ရွက်နိုင်စေရန် ရသုံးမှန်းခြေငွေစာရင်းဦးစီးဌာန၏ မူလဖွဲ့စည်းပုံတွင်ပါဝင်သော ပြည်ပချေးငွေဌာနခွဲနှင့်နိုင်ငံတော်၏ ဘဏ္ဍာရန်ပုံငွေစာရင်း ပေါင်းချုပ် ဌာနခွဲတို့ကို ဘဏ္ဍာရေးဝန်ကြီးဌာနအောက်တွင်အသစ်ဖွဲ့စည်းခဲ့သောငွေတိုက်ဦးစီးဌာနသို့ပြောင်းရွှေ့ ထည့်သွင်းဖွဲ့စည်းခဲ့ပါသည်။

သို့ဖြစ်ပါ၍ လက်ရှိရသုံးမှန်းခြေငွေစာရင်းဦးစီးဌာန၏တာဝန်များကိုထိရောက်စွာဆောင်ရွက် နိုင်ရန်အတွက် ပြည်ထောင်စုအစိုးရအဖွဲ့၏ ၁၅-၁-၂၀၁၅ရက်နေ့တွင် ကျင်းပသော ပြည်ထောင်စု အစိုးရအဖွဲ့အစည်းအဝေးအမှတ်စဉ် (၂/၂၀၁၅)၏ခွင့်ပြုချက်ဖြင့် အရာထမ်း (၃၁၅)နေရာ၊ အမှုထမ်း (၆၈၄)နေရာ စုစုပေါင်းရာထူး (၉၉၉)နေရာဖြင့် ရသုံးမှန်းခြေ ငွေစာရင်းဦးစီးဌာနတွင် ဌာနခွဲ (၈) ခု ၊ တိုင်းဒေသကြီး/ ပြည်နယ်ရုံးခွဲ(၁၄) ရုံး ၊ ကိုယ်ပိုင်အုပ်ချုပ်ခွင့်ရတိုင်းရုံးခွဲ(၁)ရုံး၊ ကိုယ်ပိုင်အုပ်ချုပ်ခွင့်ရ ဒေသရုံးခွဲ(၅)ရုံးတို့ အား ပြင်ဆင်ဖွဲ့စည်းခဲ့ပါသည်။

ခေတ်အဆက်ဆက် တာဝန်ထမ်းဆောင်ခဲ့သော ညွှန်ကြားရေးမှူးချုပ်များ

ရသုံးမှန်းခြေငွေစာရင်းဦးစီးဌာနရုံးဖွဲ့စည်းပုံ

၁။ ရသုံးမှန်းခြေငွေစာရင်းဦးစီးဌာနရုံးချုပ်(နေပြည်တော်)

၂။ ကချင်ပြည်နယ်၊ ရသုံးမှန်းခြေငွေစာရင်းဦးစီးဌာနရုံး(မြစ်ကြီးနား)

၃။ကယားပြည်နယ်၊ရသုံးမှန်းခြေငွေစာရင်းဦးစီးဌာနရုံး

၄။ချင်းပြည်နယ်၊ ရသုံးမှန်းခြေငွေစာရင်းဦးစီးဌာနရုံး

၅။မွန်ပြည်နယ်၊ရသုံးမှန်းခြေငွေစာရင်းဦးစီးဌာနရုံး

၆။ရခိုင်ပြည်နယ်၊ရသုံးမှန်းခြေငွေစာရင်းဦးစီးဌာနရုံး

၇။ရှမ်းပြည်နယ်၊ ရသုံးမှန်းခြေငွေစာရင်းဦးစီးဌာနရုံး

၈။ရန်ကုန်တိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၉။မန္တလေးတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၁၀။စစ်ကိုင်းတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၁၁။မကွေးတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၁၂။တနင်္သာရီတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၁၃။ပဲခူးတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး

၁၄။ဧရာဝတီတိုင်းဒေသကြီး၊ရသုံးမှန်းခြေငွေစာရင်းဦးစီးဌာနရုံး