ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ်(ADB)တို့ ပူးပေါင်းဖွင့်လှစ်သည့် “အလယ်အလတ်အဆင့် စာရင်းအင်းပညာအသုံးချမှု ဆင့်ပွားသင်တန်းအမှတ်စဉ်(၉)” သင်တန်းဖွင့်လှစ်ခြင်း

စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ်(ADB) တို့ ပူးပေါင်းဖွင့်လှစ်ပို့ချသည့် “အလယ်အလတ်အဆင့် စာရင်းအင်းပညာအသုံးချမှုဆင့်ပွား သင်တန်းအမှတ်စဉ်(၉)” သင်တန်းဖွင့်ပွဲအခမ်းအနားကို စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ၂၀၁၉ ခုနှစ်၊ မေလ (၂၀) ရက်နေ့တွင် ကျင်းပခဲ့ရာ ဗဟို စာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်နှင့် ADB National Consultant ဦးတင်အောင်တို့မှ အဖွင့်အမှာစကားပြောကြားခဲ့ပါသည်။

          အဆိုပါသင်တန်းတွင်စစ်တမ်းကောက်ယူသည့် နည်းလမ်းများ၊ အစီရင်ခံစာရေးသားနည်း များ၊ R Software  ကို အသုံးပြု၍ စာရင်းအင်းအချက်အလက်များကိုလေ့လာဆန်းစစ်ခြင်းများ နှင့်စပ်လျဉ်း၍ သင်ကြားပို့ချမည်ဖြစ်ပါသည်။ သင်တန်းကာလမှာ (၂၀-၅-၂၀၁၉) ရက်နေ့မှ (၃၁.၅.၂၀၁၉) ရက်နေ့အထိဖြစ်ပြီး သင်တန်းသို့ ဗဟိုစာရင်းအင်းအဖွဲ့ ရုံးချုပ်၊ ပြည်နယ်/      တိုင်းဒေသကြီးနှင့် သက်ဆိုင်ရာဦးစီးဌာနများမှ သင်တန်းသား/သူ (၂၅) ဦး တက်ရောက်မည် ဖြစ်ပါသည်။

(သတင်းစဉ်)

,