ပြည်ထောင်စုဝန်ကြီး ဦးကျော်ဝင်း ပြည်တွင်းပြည်ပ ဧည့်အဖွဲ့များအား သီးခြားစီ လက်ခံတွေ့ဆုံ

စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးကျော်ဝင်းသည်(၂၇.၇.၂၀၁၇) ရက်နေ့ နံနက် ၁၂ နာရီတွင် မြန်မာနိုင်ငံဆိုင်ရာ နီပေါနိုင်ငံသံအမတ်ကြီး H.E.Mr. Bhim K. Udas အားလည်းကောင်း၊ နေ့လည် ၃ နာရီခွဲတွင် China Energy Fund Committee (CEFC)Company Ltd., မှ ဥက္ကဋ္ဌဖြစ်သူ Mr. Ye Jianming နှင့် အဖွဲ့အားလည်းကောင်း၊ ညနေ ၄ နာရီတွင် မြန်မာနိုင်ငံဆိုင်ရာ ဗီယက်နမ်နိုင်ငံ သံအမတ်ကြီး H.E.Dr.Luan Thuy Duong အားလည်းကောင်း စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၁)၊ အစည်းအဝေး ခန်းမ၌ သီးခြားစီ လက်ခံတွေ့ဆုံသည်။
ထိုသို့ တွေ့ဆုံရာတွင် နီပေါနိုင်ငံနှင့် မြန်မာနိုင်ငံအကြား ပူးပေါင်းဆောင်ရွက်ရေးဆိုင်ရာ ကိစ္စရပ်များ၊ China Energy Fund Committee (CEFC) Company ၏ ဖွံ့ဖြိုးမှုဆိုင်ရာ နည်းဗျူဟာများနှင့် စပ်လျဉ်းသည့် တင်ပြချက်များ၊ ဗီယက်နမ်နှင့် မြန်မာ နှစ်နိုင်ငံ MoU ရေးထိုးမည့် ကိစ္စရပ်များနှင့် စပ်လျဉ်း၍  ဆွေးနွေးခဲ့ကြောင်း သတင်းရရှိသည်။

နေပြည်တော်   ဇူလိုင် ၃၁

,