စီမံကိန်းနှင့် ဘဏ္ဍာရေး၀န်ကြီးဌာန၊ ပြည်ထောင်စုဝန်ကြီး ဦးကျော်ဝင်းသည် ယနေ့ နံနက် ၁၀ နာရီတွင် မြန်မာနိုင်ငံဆိုင်ရာ ဘရာဇီးနိုင်ငံ သံအမတ်ကြီး H.E.Mr.Antonio Jose Maria de Souza e Silva အား စီမံကိန်းနှင့် ဘဏ္ဍာရေးဝန်ကြီးဌာန၊ အစည်းအဝေးခန်းမ၌ တွေ့ဆုံ၍ ကြံစိုက်ပျိုး ထုတ်လုပ်ရေးကိစ္စများနှင့် စပ်လျဉ်း၍ ဆွေးနွေးခဲ့သည်။
ဆက်လက်၍ ပြည်ထောင်စုဝန်ကြီးသည် နံနက် ၁၁ နာရီခွဲတွင် EDF Group’s မှ တာဝန် ရှိသူများအား လက်ခံတွေ့ဆုံ၍ National Grid နှင့် ရွှေလီ (၃) ရေအားလျှပ်စစ် စီမံကိန်းတို့ကို မိတ္ထီလာ၌ ချိတ်ဆက်မည့် 500 KV Transmission Line နှင့် စပ်လျဉ်းသည့် တင်ပြချက်များ အပေါ် အသေးစိတ် ဆွေးနွေး ညှိနှိုင်းခဲ့ကြောင်း သတင်းရရှိသည်။   

နေပြည်တော်   ဇူလိုင် ၂၅ 
(သတင်းစဉ်)