_0.png)
မြန်မာ့အာမခံလုပ်ငန်း၊ ပခုက္ကူခရိုင်ရုံးမှ အာမခံအကြောင်းသိကောင်းစရာဟောပြောပွဲကို (၂၅-၄-၂၀၁၈)ရက်နေ့ နေ့လည်(၁၁:၀၀)နာရီအချိန်တွင် ပခုက္ကူမြို့ ကုန်းလမ်းပို့ဆောင်ရေး ညွှန်ကြားမှုဦးစီးဌာနတွင် ကျင်းပပြုလုပ်ရာ ယာဉ်လုပ်ငန်းရှင်များနှင့် တက်ရောက်အင်အား (၂၅၀)ခန့်တက်ရောက်ခဲ့ပါသည်။
အဆိုပါဟောပြောပွဲတွင် ပခုက္ကူခရိုင်ရုံးတာဝန်ခံ ဒေါ်ကြည်ကြည်မြမှ မြန်မာ့အာမခံ လုပ်ငန်းသည် စီမံကိန်းနှင့်ဘဏ္ဍာရေးဝန်ကြီးဌာနအောက်တွင် တည်ရှိပြီး ပြည်သူ့ဝန်ဆောင်မှု လုပ်ငန်းလုပ်ကိုင်၍ ပြည်သူ့ဘဏ္ဍာရှာဖွေပေးသည့် ဌာနတစ်ခုဖြစ်ကြောင်းနှင့် အာမခံလုပ်ငန်း သဘောတရားများ၊ အသက်အာမခံလုပ်ငန်း၊ သူတစ်ပါးထိခိုက်မှုအာမခံလုပ်ငန်း၊ မီးနှင့် အမျိုးမျိုးအာမခံလုပ်ငန်း၊ ရေကြောင်းအာမခံလုပ်ငန်း၊ ခရီးသွားအာမခံလုပ်ငန်းတို့အား အသေးစိတ်ရှင်းလင်းဆွေးနွေးခဲ့ပြီး နေ့လည်(၁၂)နာရီတွင် အခမ်းအနားအား ရုတ်သိမ်းခဲ့ပါသည်။
