အာမခံလုပ်ငန်းအသိပညာပြန့်ပွားရေးဟောပြောပွဲပြုလုပ်

မြန်မာ့အာမခံလုပ်ငန်း၊ တနင်္သာရီတိုင်းဒေသကြီးရုံးတာဝန်ခံမှ အာမခံလုပ်ငန်းအသိပညာ ပြန့်ပွားတိုးတက်ရန် ဟောပြောပွဲအား (၂-၁၂-၂၀၂၀)ရက်နေ့ နံနက် (၁၀:၀၀) နာရီတွင် ထားဝယ်မြို့၊ အထူးစုံစမ်းစစ်ဆေးရေးဦးစီးဌာန အစည်းအဝေးခန်းမ၌ကျင်းပပြုလုပ်ခဲ့ရာ အရာထမ်း/အမှုထမ်း စုစုပေါင်း (၃၀) ဦးခန့် တက်ရောက်ခဲ့ပါသည်။

အဆိုပါဟောပြောပွဲတွင် တိုင်းဒေသကြီးတာဝန်ခံမှ မြန်မာ့အာမခံလုပ်ငန်းမှ လက်ခံဆောင်ရွက် လျက်ရှိသည့်  အာမခံအမျိုးအစားများကို ရှင်းလင်းပြောကြားခဲ့ပြီး အထူးကိစ္စရပ်အနေဖြင့် နိုင်ငံ့ဝန်ထမ်းအသက်အာမခံ(ကာလတို)နှင့် ကျန်းမာရေးအာမခံလုပ်ငန်းအကြောင်း အကျယ်တဝင့် ရှင်းလင်းဟောပြောခဲ့ပါသည်။