အာမခံအကြောင်း သိကောင်းစရာဆွေးနွေးပွဲ ပြုလုပ်ခြင်း

မြန်မာ့အာမခံလုပ်ငန်း၊ တာချီလိတ်ခရိုင်ရုံးတာဝန်ခံမှ အာမခံအကြောင်း သိကောင်းစရာ ဆွေးနွေးပွဲကို (၁၉-၈-၂၀၂၀) ရက်နေ့၊ ညနေ (၄:၀၀) နာရီတွင် ပါဆတ်ကားလေးကွင်းအတွင်းရှိ မြို့နယ်ကုန်တင်ကုန်ချကော်မတီရုံးတွင်ပြုလုပ်ရာ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဦးစီးဌာနမှ ခရိုင်ဦးစီးမှူး၊ လူကုန်ကူးမှုတားဆီးရေးရဲတပ်ဖွဲ့မှ ဒုရဲမှူး၊ ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ဒု-ဦးစီးမှူး၊ မ.ထ.သ ဥက္ကဌ၊ ယာဉ်လိုင်းဂိတ် (၁၆)ဂိတ်မှ ဂိတ်ပိုင်ရှင်များနှင့် ဂိတ်မှူးများ တက်ရောက်ခဲ့ပါသည်။

အဆိုပါဟောပြောပွဲတွင် ခရိုင်တာဝန်ခံမှ ကုန်းလမ်းကုန်ပစ္စည်းအာမခံလုပ်ငန်း၊ အလုံးစုံ မော်တော်ယာဉ်အာမခံလုပ်ငန်း နှင့် အထူးခရီးသွားအာမခံလုပ်ငန်းအကြောင်း သိကောင်းစရာ များအား အသေးစိတ်ရှင်းလင်းဟောပြောခဲ့ပြီး သိလိုသည့်မေးမြန်းချက်များကို ရှင်းလင်း ပြောကြားခဲ့ပါသည်။