အာမခံအကြောင်းသိကောင်းစရာ စည်းရုံးဟောပြောပွဲကျင်းပပြုလုပ်

မြန်မာ့အာမခံလုပ်ငန်း၊ မြင်းခြံခရိုင်ရုံးတာဝန်ခံမှ အာမခံအကြောင်း သိကောင်းစရာ ဟောပြောပွဲကို (၁-၁၀-၂၀၁၉) ရက်နေ့ နံနက် (၁၀:၀၀) နာရီ အချိန်တွင် မြင်းခြံမြို့၊ အမှတ်(၃)တပ်မတော်အကြီးစားစက်ရုံခွဲ၌ ကျင်းပရာ စက်ရုံဝန်ထမ်း (၅၀) ဦးခန့် တက်ရောက်ခဲ့ပါသည်။

အဆိုပါဟောပြောပွဲတွင် ခရိုင်တာဝန်ခံမှ နိုင်ငံတော်ပိုင် မြန်မာ့အာမခံလုပ်ငန်းတွင် လက်ခံဆောင်ရွက်လျက်ရှိသော အသက်အာမခံလုပ်ငန်းများနှင့် သူတစ်ပါးထိခိုက်မှုအာမခံ အကြောင်းများအား အသေးစိတ်ရှင်းလင်း ​ဟော​ပြောခဲ့ပါသည် ။