ငွေတိုက်ဦးစီးဌာန၏ (၁၂/၂၀၁၇) လအတွက် ဝန်ထမ်းဆန္ဒဖော်ထုတ်ဆွေးနွေးပွဲအခမ်းအနား

, ,

ဝန်ထမ်းဆန္ဒဖော်ထုတ်ဆွေးနွေးပွဲ (ဒါဘာ) ကို စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄) ရှိ အစည်းအဝေးခန်းမတွင် ၂၉-၁၂-၂၀၁၇ ရက်နေ့ နေ့လည် (၁:၀၀) နာရီတွင် ကျင်းပပြုလုပ်ခဲ့ရာ ငွေတိုက်ဦးစီးဌာနမှ အရာထမ်း၊ အမှုထမ်း ဝန်ထမ်းအင်အား စုစုပေါင်း (၉၀) ဦးတက်ရောက်ခဲ့ ပါသည်။အဆိုပါ ဆန္ဒဖော်ထုတ်ပွဲနှင့်အတူ ပြည်ပသင်တန်းတက်ရောက်ခဲ့သူများအနက် ငွေတိုက်ဦးစီးဌာနမှ ညွှန်ကြားရေးမှူး ဒေါ်ရီရီခိုင်က စီးပွားရေးပြုပြင်ပြောင်းလဲမှုအတွေ့အကြုံများ မျှဝေရန် ပြုလုပ် သည့် ချက်သမ္မတနိုင်ငံ၏ ဘဏ်နှင့်ငွေရေးကြေးရေးဆိုင်ရာ လေ့လာရေးခရီးစဉ် နှင့်စပ်လျဉ်း သည့် အတွေ့အကြုံများကို လည်းကောင်း၊ ညွှန်ကြားရေးမှူး ဒေါ်ဖြူဖြူစိုးက PEMNA မှ ကြီးမှူးကျင်းပသည့် 2017 PEMNA T-cop အစည်းအဝေး တက်ရောက်ခဲ့ခြင်းအတွက် Treasury Service for Government Transaction ခေါင်းစဉ်ဖြင့် လည်းကောင်း၊ ဒုတိယညွှန်ကြားရေးမှူး ဒေါ်သန်းသန်းဝင်းက KOICA မှ ကြီးမှူးကျင်းပသည့် MDI Capacity Building Workshop တက်ရောက်ခဲ့ခြင်းအတွက် MDI-KDI Conference on joint Research and Future Cooperation ခေါင်းစဉ်ဖြင့်လည်းကောင်း အတွေ့အကြုံများကို ရှင်းလင်းတင်ပြခဲ့ပါသည်။ယင်းနောက် ငွေတိုက်ဦးစီးဌာန ညွှန်ကြားရေးမှူးချုပ် မှ နှစ်သစ်ကူးလက်ဆောင်များကိုလည်း ဌာနခွဲအလိုက် ပေးအပ်ခဲ့ပါသည်။