ကမ္ဘာ့ဘဏ် အဖွဲ့နှင့် တွေ့ဆုံဆွေးနွေးခဲ့မှု

စီမံကိန်းနှင့် ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြား ရေးမှူးချုပ် ဒေါ်ရီရီမြင့် ဦးဆောင်သည့် တာဝန်ရှိပုဂ္ဂိုလ်များနှင့် ကမ္ဘာ့ဘဏ်မှ  Lead Economist  ဖြစ်သူ Hans Anand Beck  နှင့် အဖွဲ့ဝင်များသည် ၂၀၁၉ ခုနှစ်၊ ဧပြီလ ၃၀ ရက်နေ့ နံနက် (၁၁:၃၀ ) အချိန်တွင် ရသုံးမှန်းခြေငွေစာရင်းဦးစီးဌာန၊ အစည်းအဝေးခန်းမ၌ တွေ့ဆုံဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် နိုင်ငံတော်ပိုင်စီးပွားရေး အဖွဲ့အစည်းများ ပြုပြင်ပြောင်းလဲရေး အတွက် နည်းပညာ အကူအညီပေးရေးနှင့် ပတ်သက်၍ တွေ့ဆုံဆွေးနွေးခဲ့ကြပါသည်။

စီမံကိန်းနှင့် ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြား ရေးမှူးချုပ် ဒေါ်ရီရီမြင့် ဦးဆောင်သည့် တာဝန်ရှိပုဂ္ဂိုလ်များနှင့် Oxford Policy Management မှ အကြံပေးအဖွဲ့သည် ၂၀၁၉ ခုနှစ်၊ မေလ ၃ ရက်နေ့၊ မွန်းလွဲ (၁:၃၀) နာရီအချိန်တွင်  ရသုံးမှန်းခြေ ငွေစာရင်းဦးစီးဌာန၊ အစည်းအဝေးခန်းမ၌ တွေ့ဆုံဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် ကမ္ဘာ့ဘဏ်ဘက်မှ ငှားရမ်းထားသည့် Oxford Policy Management အကြံပေးအဖွဲ့မှ ကမ္ဘာ့ဘဏ်၊ ပညာရေးဝန်ကြီးဌာနနှင့် စီမံကိန်းနှင့်ဘဏ္ဍာရေးဝန်ကြီးဌာနတို့ ပူးပေါင်း၍ “Financial Debottlenecking Analysis and PFM Roadmap Development For Ministry of Education ” အား ဆောင်ရွက်နိုင်ရန်အတွက် ဤဦးစီးဌာနရှိ တာဝန်ရှိပုဂ္ဂိုလ်များနှင့်တွေ့ဆုံ၍ ရသုံးခန့်မှန်းခြေ ငွေစာရင်းဆိုင်ရာကိစ္စရပ်များ၊ ဘတ်ဂျက်ခွဲဝေချထားမှုများ၊ ပညာရေးဘတ်ဂျက် ဆောင်ရွက်ချက် အခြေအနေများ/ challenges များနှင့်ပတ်သက်၍ သိလိုသည့်အချက်များအား မေးမြန်းဆွေးနွေး ခဲ့ကြပါသည်။

 

 

 

, ,