ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြားရေးမှူးချုပ် ဒေါ်သီတာထွန်းဦးဆောင်သော အဖွဲ့နှင့် JICAမှ Senior Representative ဖြစ်သူ Mr. Mamoru Sakai ဦးဆောင်သောအဖွဲ့ တို့သည် ၇-၂-၂၀၁၉ ရက်နေ့၊ မွန်းလွဲ (၁:၀၀) နာရီတွင်ရုံးအမှတ် (၂၆)၊ ရသုံးမှန်းခြေငွေစာရင်းဦးစီး ဌာန၊ အစည်းအဝေးခန်းမ၌ တွေ့ဆုံဆွေးနွေးခဲ့ပါသည်။ အဆိုပါ ဆွေးနွေးပွဲတွင် JICA မှ တာဝန်ရှိ ပုဂ္ဂိုလ်များ၏ “Flexible Budget Administration for Loan Financed Projects” ဆိုင်ရာ မေးခွန်းများနှင့်စပ်လျဉ်း၍ ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြားရေးမှူးချုပ်မှ   စီမံကိန်းများ အကောင်အထည်ဖော်မှု ထိရောက်စေရေးအတွက် နိုင်ငံတော်၏ Development Assistance Policy နှင့် Myanmar Sustainable Development Plan  ဆိုင်ရာ ဖော်ပြချက်များ၊  ၂၀၁၇ ခုနှစ် မြန်မာနိုင်ငံ ၏ ဘဏ္ဍာရေးစီမံခန့်ခွဲမှု ဆိုင်ရာစည်းမျဉ်းရှိ ဘဏ္ဍာရေးဆောင်ရွက်ပုံ နည်းလမ်းများနှင့် နှစ်စဉ်ဘတ်ဂျက် ဥပဒေပါ ဘဏ္ဍာရေးပြဋ္ဌာန်းချက် ထားရှိပုံတို့ကို ရှင်းလင်းဆွေးနွေးခဲ့ပါသည်။