တတိယအကြိမ် ရပ်ဝန်းနှင့်လမ်းကြောင်းညီလာခံ ဖွင့်ပွဲသို့တက်ရောက်ခြင်း

ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီး၊ မြန်မာနိုင်ငံရင်းနှီးမြှုပ်နှံမှု ကော်မရှင်ဥက္ကဋ္ဌ ဦးသောင်းထွန်း ဦးဆောင်သော မြန်မာကိုယ်စားလှယ်အဖွဲ့သည် ဟောင်ကောင်၌ ၂၀၁၈ ခုနှစ် ဇွန်လ ၂၇ ရက်နေ့မှ ၂၉ ရက်နေ့အထိ ကျင်းပလျက်ရှိသည့် တတိယအကြိမ် ရပ်ဝန်းနှင့်လမ်းကြောင်းညီလာခံသို့ တက်ရောက်လျက် ရှိရာ မြန်မာနိုင်ငံရင်းနှီးမြှုပ်နှံမှု ကော်မရှင် ဥက္ကဋ္ဌ ဦးသောင်းထွန်းနှင့် ကော်မရှင်အတွင်းရေးမှူး ဦးအောင်နိုင်ဦး တို့သည်  ၂၀၁၈ ခုနှစ် ဇွန်လ ၂၈ ရက်နေ့၊ နံနက်ပိုင်းတွင် ကျင်းပသော တတိယအကြိမ် ရပ်ဝန်းနှင့် လမ်းကြောင်း ညီလာခံ ဖွင့်ပွဲသို့ တက်ရောက်ခဲ့ကြပါသည်။