အလယ်အလတ်အဆင့်ကွန်ပျူတာသင်တန်းအမှတ်စဉ် (၁/၂၀၁၇ ) သင်တန်းဖွင့်ပွဲခမ်းအနား နေပြည်တော်၊ ဒီဇင်ဘာ ၂၈၊ ၂၀၁၇

ဗဟိုစက်ပစ္စည်း စာရင်းအင်းနှင့် စစ်ဆေးရေးဦးစီးဌာနမှ အလယ်အလတ်အဆင့် ကွန်ပျူတာ သင်တန်းအမှတ်စဉ် (၁/၂၀၁၇) သင်တန်း ဖွင့်ပွဲအခမ်းအနားကို (၂၈.၁၂.၂၀၁၇) ရက်နေ့ (၁၃:၀၀) နာရီတွင် ရုံးအမှတ် (၃၂)၊ အစည်းအဝေးခန်းမ၊ နေပြည်တော်၌ ကျင်းပခဲ့ပါသည်။ အခမ်းအနားတွင် ညွှန်ကြားရေးမှူးချုပ် ဦးဟန်ဝင်းအောင်မှ သင်တန်းဖွင့်မိန့်ခွန်းပြောကြားခဲ့ပါသည်။ ထို့နောက် Soft iT Asia Co,.Ltd မှ Developer ဦးအောင်သူရမှ သင်ကြားမည့်ဘာသာရပ်များနှင့် ပတ်သက်၍ ရှင်းလင်းတင်ပြသွားပါသည်။

အခမ်းအနားသို့ ဦးစီးဌာနမှ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများ၊ Soft iT Asia Co,.Ltd မှ Developers များနှင့် သင်တန်းသား/ သင်တန်းသူများ တက်ရောက်ခဲ့ပါသည်။

သင်တန်းသို့ ဦးစီးဌာနမှ သင်တန်းသား/ သင်တန်းသူ (၁၂) ဦးတက်ရောက်လျက်ရှိပြီး သင်တန်းကာလမှာ ၂၀၁၈ ခုနှစ် ဇန်နဝါရီလ (၂၅)ရက်နေ့အထိ (၄)ပတ်ကြာ ဖွင့်လှစ်သွားမည် ဖြစ်ပါသည်။