ပြည်ထောင်စုသမ္မတမြန်မာနိုင်ငံနှင့် ဥရောပသမဂ္ဂတို့အကြား မြန်မာနိုင်ငံ၏ အုပ်ချုပ်မှုနှင့် ဒီမိုကရေစီ အားကောင်းခိုင်မာစေရေးစီမံချက်နှင့်စပ်လျဉ်းသည့် ငွေကြေးထောက်ပံ့မှုဆိုင်ရာ သဘောတူစာချုပ် လက်မှတ်ရေးထိုး

, ,

ပြည်ထောင်စုသမ္မတမြန်မာနိုင်ငံနှင့်ဥရောပသမဂ္ဂတို့အကြားမြန်မာနိုင်ငံ၏အုပ်ချုပ်မှုနှင့်ဒီမိုကရေစီအားကောင်းခိုင်မာစေရေးစီမံချက်နှင့်စပ်လျဉ်းသည့် ငွေကြေးထောက်ပံ့မှုဆိုင်ရာသဘောတူစာချုပ်(Financing Agreement for Strengthening Governance and Democracy in Myanmar -II) လက်မှတ်ရေးထိုးပွဲအခမ်းအနားကို ယနေ့နေ့လယ် ၁၄း၀၀ နာရီတွင် စီမံကိန်းနှင့် ဘဏ္ဍာရေးဝန်ကြီး ဌာန၊ ရုံးအမှတ်(၁) အစည်းအဝေးခန်းမ၌ ကျင်းပခဲ့ပါသည်။

အခမ်းအနားသို့ စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်၊ ပြည်ထဲရေးဝန်ကြီးဌာန၊ နိုင်ငံခြားရေးဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပညာရေးဝန်ကြီးဌာန၊ နိုင်ငံတော်အတိုင်ပင်ခံရုံးဝန်ကြီးဌာန၊ ပြည်ထောင်စု စာရင်းစစ်ချုပ်ရုံး၊ ပြည်ထောင် စုရွေးကောက်ပွဲကော်မရှင်၊ ပြည်ထောင်စုရှေ့နေချုပ်ရုံး၊ ပြည်ထောင်စုရာထူးဝန်အဖွဲ့၊ အထွေထွေအုပ်ချုပ် ရေး ဦးစီးဌာနနှင့် စီမံကိန်းနှင့် ဘဏ္ဍာရေးဝန်ကြီးဌာနအောက်ရှိ ဦးစီးဌာနများမှ အဆင့်မြင့်အရာရှိကြီး များ၊ ဥရောပသမဂ္ဂ မြန်မာနိုင်ငံဆိုင်ရာသံရုံးမှ ယာယီသံရုံး တာဝန်ခံနှင့် ပူးပေါင်းဆောင်ရွက်မှု အကြီးအကဲ ဖြစ်သူ Dr. Johann Hesse နှင့် International Institute for Democracy and Electoral Assistance (I-IDEA)မှ ကိုယ်စားလှယ်များ၊ စုစုပေါင်း ၂၅ ဦး တက်ရောက်ခဲ့ကြပါသည်။

အဆိုပါသဘောတူစာချုပ်ကို ဥရောပသမဂ္ဂဘက်မှ အပြည်ပြည်ဆိုင်ရာ ပူးပေါင်းဆောင်ရွက်ရေးနှင့် ဖွံ့ဖြိုး တိုးတက်ရေးဌာန၏ အာရှ၊ အာရှအလယ်ပိုင်း၊ အရှေ့အလယ်ပိုင်းဒေသနှင့် ပစိဖိတ်ဒေသဆိုင်ရာ ညွှန်ကြားရေးမှူး Mr. Pierre Amilhat မှ လက်မှတ်ရေးထိုးခဲ့ပြီးအခမ်း အနားတွင် မြန်မာနိုင်ငံဘက်မှ စီမံကိန်းနှင့် ဘဏ္ဍာရေး၀န်ကြီးဌာန၊ အမြဲတမ်းအတွင်းဝန်မှ လက်မှတ်ရေးထိုးခဲ့ပါသည်။