4th Workshop for PAPRD on Ex-Post Evaluation & Risk Management ဆွေးနွေးပွဲကျင်းပ (နေပြည်တော်၊ ဖေဖော်ဝါရီလ ၁၁ ရက်)

, , ,

ဂျပန်နိုင်ငံအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ၏ နည်းပညာ အကူအညီဖြင့် စီမံကိန်းစိစစ်ရေးနှင့်တိုးတက်မှု အစီရင်ခံရေးဦးစီးဌာန၏ လုပ်ငန်းစွမ်းဆောင်ရည် ဖွံ့ဖြိုးတိုးတက်စေရန် ရည်ရွယ်၍ စီမံကိန်းကာလအလွန်၌ အကဲဖြတ်သုံးသပ်ခြင်း (Ex-Post Evaluation) နှင့် စီမံကိန်းအကောင်အထည် ဖော်ရာတွင် ကြုံတွေ့နိုင်သည့် စွန့်စားမှုများကို သုံးသပ်ခြင်းဆိုင်ရာ အလုပ်ရုံဆွေးနွေးပွဲကို၂၀၁၉ခုနှစ် ဇန်နဝါရီလ ၃၀ ရက်နေ့မှ ဖေဖော်ဝါရီလ ၆ ရက်နေ့ အထိ စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၊ ရုံးအမှတ်(၃၂)၊ PFM သင်တန်း ခန်းမ၌ ကျင်းပပြုလုပ်ခဲ့ရာ စီမံကိန်းစိစစ်ခြင်းဆိုင်ရာလုပ်ငန်းများတွင် လက်တွေ့လုပ်ဆောင် နေသည့် ဤဦးစီးဌာနမှ အရာထမ်း/ အမှုထမ်းစုစုပေါင်း (၂၀) ဦးတက်ရောက် ဆွေးနွေး ခဲ့ကြပါသည်။ အလုပ်ရုံဆွေးနွေးပွဲတွင် JICA ၏နည်းပညာအကြံပေးအဖြစ် တာဝန်ထမ်းဆောင်နေသော OPMAC Corporation မှ ကျွမ်းကျင်သူ(၂)ဦးက JICA ၏ ODA ​ချေးငွေဖြင့် ဆောင်ရွက်ခဲ့သည့် စီမံကိန်းများအား အကဲဖြတ်သုံးသပ်သည့် နည်းလမ်းများ၊ အကဲဖြတ်သုံးသပ်ခြင်း၏ အရေးကြီးပုံ၊ စီမံကိန်းအကောင်အထည်ဖော်ရာတွင် လုပ်ငန်းစဉ်အဆင့်တိုင်း၌ ကြုံတွေ့နိုင်သည့်စွန့်စားမှုများကို ဖော်ထုတ်ရန်လိုအပ်မှုနှင့် ၎င်းစွန့်စားမှုများကို လျှော့ချစေမည့် နည်းလမ်းများ ဖော်ထုတ်စဉ်းစားရန် အရေးကြီးပုံများကို Case Study များဖြင့် လက်တွေ့ပို့ချ ခဲ့ပါသည်။ ထို့အပြင် Case Study များ အပေါ် အုပ်စုအလိုက် ပြန်လည်ဆွေးနွေး တင်ပြခြင်း များကိုလည်း ပြုလုပ်ခဲ့ကြပါသည်။