စီမံကိန်းနှင့်ဖွဲ့စည်းပုံစိစစ်ရေးအဖွဲ့၏(၁/၂၀၁၈)ကြိမ်မြောက်ဖွဲ့စည်းပုံနှင့် ဝန်ထမ်းသစ်ခန့်ထားရေး ညှိနှိုင်းအစည်းအဝေး

စီမံကိန်းနှင့် ဖွဲ့စည်းပုံစိစစ်ရေးအဖွဲ့၏ (၁/၂၀၁၈)ကြိမ်မြောက် ဖွဲ့စည်းပုံနှင့် ဝန်ထမ်းသစ် ခန့်ထားရေးညှိနှိုင်းအစည်းအဝေးကို ၂-၁-၂၀၁၈ ရက်နေ့ (၁၄း၀၀)နာရီတွင် စီမံကိန်းနှင့် ဘဏ္ဍာရေး ဝန်ကြီးဌာန၊ အစည်းအဝေးခန်းမတွင် ကျင်းပခဲ့ရာ စီမံကိန်းနှင့်ဖွဲ့စည်းပုံ စိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး၊ ဦးကျော်ဝင်း တက်ရောက်၍အမှာစကား ပြောကြားပါသည်။

အစည်းအဝေးတွင် ဖွဲ့စည်းပုံများကို ခေတ်စနစ်နှင့်အညီ ပြင်ဆင်ဖွဲ့စည်းနိုင်ရန်အတွက် ပြည်ထဲရေးဝန်ကြီးဌာန၏ အဆိုပြဖွဲ့စည်းပုံ (၁)ခုနှင့် လူမှုဝန်ထမ်း၊ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၏ အဆိုပြဖွဲ့စည်းပုံ (၁)ခုတို့ကို ခွင့်ပြုခဲ့ပြီး ပြည်သူများ၏ ဝန်ဆောင်မှုလုပ်ငန်းများ၊ သယ်ယူပို့ဆောင်ရေးလုပ်ငန်းများနှင့် လူမှုရေးလုပ်ငန်းများကို ထိရောက်စွာဆောင်ရွက်နိုင်ရန် ပြည်ထောင်စုအဆင့်အဖွဲ့အစည်း(၁)ခုနှင့် ဝန်ကြီးဌာန(၈)ခုတို့မှ ဝန်ထမ်းသစ်များ ခန့်ထားဆောင်ရွက်နိုင်ရေးတင်ပြချက်(၁၃)ခုတို့ကို ဆွေးနွေးညှိနှိုင်းခဲ့ပါသည်။