စီမံကိန်းနှင့်ဖွဲ့စည်းပုံစိစစ်ရေးအဖွဲ့၏ (၅/၂၀၁၇)ကြိမ်မြောက်အစည်းအဝေးနှင့် (၂/၂၀၁၇) ကြိမ်မြောက် ဝန်ထမ်းသစ်ခန့်ထားရေးညှိနှိုင်းအစည်းအဝေးကို ၁၂-၁၂-၂၀၁၇ ရက်နေ့ နံနက် (၁၀း၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ အစည်းအဝေးခန်းမတွင် ကျင်းပခဲ့ရာ စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး၊  ဦးကျော်ဝင်း တက်ရောက်၍ အမှာစကားပြောကြားပါသည်။

အစည်းအဝေးတွင် ဖွဲ့စည်းပုံများကို ခေတ်စနစ်နှင့်အညီ ပြင်ဆင်ဖွဲ့စည်းနိုင်ရန်အတွက် ပြည်ထဲရေးဝန်ကြီးဌာနမှ အဆိုပြု ဖွဲ့စည်းပုံ (၄)ခုကို ထောက်ခံ ဆွေးနွေးခဲ့ပြီး ပြည်သူများ၏ ဝန်ဆောင်မှု လုပ်ငန်းများထိရောက်စွာဆောင်ရွက်နိုင်ရန် ပြည်ထောင်စုအဆင့်အဖွဲ့အစည်းများနှင့် ဝန်ကြီးဌာနများတွင် ဝန်ထမ်းသစ်များခန့်ထားဆောင်ရွက်နိုင်ရေးအတွက် ဆွေးနွေးညှိနှိုင်းခဲ့ ပါသည်။