စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်သည် Italian Agency for Development Cooperation (AICS) ၏ ဌာနေကိုယ်စားလှယ်ဖြစ်သူ Mr. Walter Zucconi အား နေပြည်တော်၊ ရုံးအမှတ် (၃၂)၊ အစည်းအဝေးခန်းမ၌ ၂၀၂၀ ပြည့်နှစ် မတ်လ (၆) ရက် နံနက် (၉:၃၀) နာရီအချိန်တွင် လက်ခံတွေ့ဆုံခဲ့ပါသည်။ အဆိုပါတွေ့ဆုံဆွေးနွေးပွဲတွင် ဗဟိုစာရင်းအင်းအဖွဲ့သို့ နည်းပညာပိုင်းဆိုင်ရာ ပံ့ပိုးမှုများ ပေးအပ်နိုင်ရန်၊ Italian National Institute of Statistics (ISTAT) နှင့်အတူ ပူးတွဲစီမံချက်အား လုပ်ငန်းဆောင်ရွက်နိုင်ရန်နှင့် မူဝါဒဆိုင်ရာ ကိစ္စရပ်များကို ပံ့ပိုးနိုင်စေရန်အတွက် ဗဟိုစာရင်းအင်းအဖွဲ့နှင့် Italian Agency for Development Cooperation (AICS) တို့အကြား ပူးပေါင်းဆောင်ရွက်မှုများ ပြုလုပ်နိုင်ရန်တို့ကို ဆွေးနွေးခဲ့ကြပါသည်။