ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ်နှင့်အဖွဲ့သည် တရုတ်ပြည်သူ့သမ္မတနိုင်ငံ၊ နန်းနင်းမြို့တွင် ကျင်းပပြုလုပ်ခဲ့သည့် (၅) ကြိမ်မြောက် တရုတ်-အာဆီယံစာရင်းအင်းဖိုရမ်သို့ တက်ရောက်

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ်နှင့် အဖွဲ့သည် တရုတ်ပြည်သူ့သမ္မတနိုင်ငံ၊ နန်းနင်းမြို့တွင် (၂၀-၉-၂၀၁၉) ရက်နေ့မှ (၂၁-၉-၂၀၁၉) ရက် နေ့အထိ ကျင်းပပြုလုပ်ခဲ့သည့် (၅) ကြိမ်မြောက် တရုတ်-အာဆီယံ စာရင်းအင်းဖိုရမ်သို့ တက် ရောက်ခဲ့ကြပါသည်။

အဆိုပါ ဖိုရမ်တွင် တရုတ်-အာဆီယံ လူမှုစီးပွားဖွံ့ဖြိုးတိုးတက်ရေးဆိုင်ရာ ထောက်ပံ့မှုများ ပေးရာတွင် အနာဂတ်စီးပွားရေးတိုးတက်မှုနှင့် ဒေသတွင်းလူမှုရေးတိုးတက်မှု လွယ်ကူချောမွေ့ စေရေးအတွက် တရုတ်-အာဆီယံနိုင်ငံများရှိ စာရင်းအင်းရုံးများ အပြန်အလှန် နားလည်မှုရှိစေရန်နှင့် ပူးပေါင်းဆောင်ရွက်မှုများ ပိုမိုအားကောင်းလာစေရန်၊ နိုင်ငံအချင်းချင်း စာရင်းအင်းဆိုင်ရာ ကိစ္စရပ် များ ပူးပေါင်းဆောင်ရွက်ရန်၊ တရုတ်-အာဆီယံနိုင်ငံများ၏ နှစ်စဉ်စာရင်းအင်းစာစောင်အား အဆင့် မြှင့်တင်နိုင်ရန် စသည်တို့ကို ဆွေးနွေးခဲ့ကြပါသည်။

အဆိုပါ ဖိုရမ်သို့ တက်ရောက်ခြင်းဖြင့် စာရင်းအင်းဆိုင်ရာ ဆောင်ရွက်ထားရှိမှုကို လေ့လာနိုင် ခြင်း၊ စာရင်းအင်းနှင့် SDGs ချိတ်ဆက်ဆောင်ရွက်မှုများကို သိရှိနိုင်ခြင်း၊ ဖွံ့ဖြိုးရေးဆိုင်ရာ ပူးပေါင်း ဆောင်ရွက်မှုအတွက် ကောင်းမွန်သော Platform ထူထောင်ရန် ထိရောက်သော စာရင်းအင်းအချက် အလက်များ ပံ့ပိုးပေးနိုင်ခြင်း စသည့်အကျိုးကျေးဇူးများ ရရှိမည်ဖြစ်ပါသည်။

(သတင်းစဉ်)