မြန်မာနိုင်ငံ၏ စဉ်ဆက်မပြတ် ဖွံ့ဖြိုးမှုပန်းတိုင်ဆိုင်ရာ စောင့်ကြည့်လေ့လာခြင်းနှင့် အကဲဖြတ်စိစစ်ခြင်း အသိပညာမြှင့်တင်မှု အလုပ်ရုံဆွေးနွေးပွဲ ကျင်းပ

     ၂၀၁၉ ခုနှစ်၊ စက်တင်ဘာလ (၂၃) ရက်နေ့တွင် မွန်ပြည်နယ်၊ မော်လမြိုင်မြို့ရှိ Hotel KS ၌ မြန်မာနိုင်ငံ၏ စဉ်ဆက်မပြတ် ဖွံ့ဖြိုးမှုပန်းတိုင်ဆိုင်ရာ စောင့်ကြည့်လေ့လာခြင်းနှင့် အကဲဖြတ် စိစစ်ခြင်း အသိပညာမြှင့်တင်မှု အလုပ်ရုံဆွေးနွေးပွဲကို ကျင်းပခဲ့ရာ မွန်ပြည်နယ်၊ စီမံကိန်းနှင့် ဘဏ္ဍာရေးဝန်ကြီး ဦးဝဏ္ဏကျော် တက်ရောက်အဖွင့်အမှာစကား ပြောကြားခဲ့ပါသည်။

      ထို့နောက် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်က မြန်မာနိုင်ငံ၏ စဉ်ဆက်မပြတ် ဖွံ့ဖြိုးမှုပန်းတိုင်ဆိုင်ရာ စောင့်ကြည့်လေ့လာခြင်း၊ အကဲဖြတ်စိစစ်ခြင်းနှင့် စပ်လျဉ်း၍ မြန်မာနိုင်ငံ ၏ လက်ရှိအခြေအနေများကို ရှင်းလင်းတင်ပြခဲ့ပါသည်။ အလုပ်ရုံဆွေးနွေးပွဲသို့ ပြည်နယ်အစိုးရ အဖွဲ့ဝင်ဝန်ကြီးများ၊ ဌာနဆိုင်ရာအကြီးအကဲများနှင့် မွန်ပြည်နယ်၊ ဗဟိုစာရင်းအင်းအဖွဲ့မှ တာဝန် ရှိသူများ တက်ရောက်ခဲ့ကြပါသည်။