ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်မှ ကမ္ဘောဒီးယားနိုင်ငံ၊ National Institute of Statistics ၏ ညွှန်ကြားရေးမှူးချုပ် ဦးဆောင်သည့် ကိုယ်စားလှယ်အဖွဲ့အားလက်ခံတွေ့ဆုံ

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်သည် ကမ္ဘောဒီးယားနိုင်ငံ၊ National Institute of Statistics ၏ ညွှန်ကြားရေးမှူးချုပ်ဖြစ်သူ Mrs. Hang Lina ဉီးဆောင်သောကိုယ်စားလှယ်အဖွဲ့အား ၂၀၁၉ ခုနှစ် စက်တင်ဘာလ (၅) ရက်နေ့ နံနက် (၉:၀၀) နာရီတွင် နေပြည်တော်ရှိ ရုံးအမှတ် (၃၂)၊ အစည်းအဝေးခန်းမ၌ လက်ခံတွေ့ဆုံခဲ့ ပါသည်။ ထိုသို့လက်ခံတွေ့ဆုံရာတွင် ဗဟိုစာရင်းအင်းအဖွဲ့မှ ညွှန်ကြားရေးမှူးချုပ်နှင့် ကမ္ဘောဒီးယားနိုင်ငံ၊ National Institute of Statistics မှ ညွှန်ကြားရေးမှူးချုပ်တို့မှ နှုတ်ခွန်း ဆက်စကားပြောကြားခဲ့ပါသည်။ ထို့နောက် ဗဟိုစာရင်းအင်းအဖွဲ့မှ မြန်မာနေထိုင်မှုအခြေအနေ စစ်တမ်း (၂၀၁၇) ၏ တစ်နှစ်တာကာလပတ်လုံး အကောင်အထည်ဖော်ဆောင်ရွက်ခဲ့မှု လုပ်ငန်း စဉ်အဆင့်ဆင့်အား ရှင်းလင်းတင်ပြခဲ့ပြီး ကမ္ဘောဒီးယားကိုယ်စားလှယ်အဖွဲ့မှ သိရှိလိုသည်များ အားအပြန်အလှန် ဆွေးနွေးခဲ့ကြပါသည်။ တွေ့ဆုံဆွေးနွေးပွဲသို့ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ်နှင့် တာဝန်ရှိသူများတက်ရောက်ခဲ့ပါသည်။ (သတင်းစဉ်)

၂၀၁၉ ခုနှစ် စက်တင်ဘာလ (၅) ရက်