စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ (၁/၂၀၁၉) အစည်းအဝေး ကျင်းပခြင်း

စီမံကိန်းနှင့် ဘဏ္ဍာရေးဝန်ကြီးဌာနမှ စာရင်းအင်းအချက်အလက် မှန်ကန်ရေးနှင့် အရည် အသွေးပြည့်ဝရေး ဗဟိုကော်မတီ (၁/၂၀၁၉) အစည်းအဝေးကို ၂၀၁၉ ခုနှစ်၊ ဇန်နဝါရီလ (၂၄) ရက်နေ့၊ နံနက် (၉:၀၀) နာရီတွင် စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ် (၃၂) အစည်း အဝေးခန်းမ၌ ကျင်းပရာ စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီဥက္ကဋ္ဌ၊ ဒုတိယသမ္မတ(၂) ဦးဟင်နရီဗန်ထီးယူမှ  အဖွင့်အမှာစကား ပြောကြားခဲ့ ပါသည်။

စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ ဥက္ကဋ္ဌ၊ ဒုတိယသမ္မတ(၂) ဦးဟင်နရီဗန်ထီးယူ မှ  ပြောကြားရာတွင် စာရင်းအင်း အချက်အလက် မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ အနေဖြင့် အစည်းအဝေး ကျင်းပ ခဲ့သည်မှာ ဒုတိယအကြိမ်မြောက်ပြီ ဖြစ်ပါကြောင်း၊ ၂၀၁၈ ခုနှစ်တွင် ပြဋ္ဌာန်းခဲ့သည် စာရင်းအင်း ဥပဒေမှာ ၂၀၁၉ ခုနှစ်၊ ဇန်နဝါရီလ(၂၂)ရက်နေ့မှစတင်၍ အသက်ဝင်နေပြီဖြစ်ပါကြောင်း၊  စာရင်းအင်းဆိုင်ရာဖွံ့ဖြိုးမှု အမျိုးသားအဆင့် မဟာဗျူဟာကို အကောင်အထည်ဖော်ဆောင်ရန် အတွက် စာရင်းအင်းကဏ္ဍအလိုက် လုပ်ငန်းအဖွဲ့(၁၀)ဖွဲ့ဖြင့် NSDS Action Plan ကို Living Document အဖြစ် အသီးသီး အကောင်အထည်ဖော်ဆောင်ရွက်လျက်ရှိပါကြောင်း၊ လုပ်ငန်းအဖွဲ့ များ အချင်းချင်းပူးပေါင်းဆောင်ရွက်နေမှုများပိုမိုအားကောင်းလာပြီဖြစ်ပါကြောင်း၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ တိရိစ္ဆာန်သန်းခေါင်စာရင်း ကောက်ယူပြီးစီးခဲ့ပြီ ဖြစ်ပါ ကြောင်း၊ အလုပ်သမား၊ လူဝင်မှုကြီးကြပ်​ရေးနှင့် ပြည်သူ့အင်အားဦးစီးဌာနမှ နှစ်လယ် လူဦးရေ နှင့် အိမ်အကြောင်းအရာ သန်းခေါင်စာရင်းကို ၂၀၁၉ ခုနှစ်အကုန်တွင် ကောက်ခံနိုင်ရေးအတွက် ဆောင်ရွက်နေသည်ကို သိရှိရပါကြောင်း၊

ဗဟိုစာရင်းအင်းအဖွဲ့မှ ၂၀၁၇ ခုနှစ်တွင် ကောက်ယူပြီးစီးခဲ့သည့် မြန်မာနေထိုင်မှု အခြေအနေစစ်တမ်း အစီရင်ခံစာများထုတ်ပြန်ခြင်း၊  မြန်မာနိုင်ငံ တစ်ပိုင်တစ်နိုင်၊ အသေးစားနှင့် အလတ်စား စီးပွားရေးလုပ်ငန်းစစ်တမ်း အစီရင်ခံစာထုတ်ပြန်ခြင်းများ ဆောင်ရွက်နိုင်ခဲ့ ပါကြောင်း၊ စာရင်းအင်းဆိုင်ရာ အချက်အလက် ထုတ်ပြန်သူများနှင့် အချက်အလက် သုံးစွဲသူများ အကြား ဆက်ဆံရေးကောင်းမွန်စေရန် လိုအပ်နေသည့် စာရင်းအင်းများကို  ဖြည့်ဆည်း ပေးရန်နှင့် Stakeholder များအကြား ပူးပေါင်းဆောင်ရွက်နိုင်ရန် Platform တစ်ရပ်အဖြစ် မြန်မာစာရင်းအင်းဖိုရမ်(၂၀၁၈)ကို ပထမအကြိမ် ကျင်းပနိုင်ခဲ့သည်ကို တွေ့ရှိရပါကြောင်း၊ စာရင်းအင်းဆိုင်ရာအသိပညာ(Statistical Literacy)နှင့် အချက်အလက်များ အသုံးပြုသည့် အလေ့အထ(Data Culture)ကို ဌာနဆိုင်ရာများမှာသာမက အများပြည်သူနှင့် ပုဂ္ဂလိက စီးပွားရေး အဖွဲ့အစည်းများအကြားမှာပါ ပြန့်နှံ့အောင်ဆောင်ရွက်ကြရမှာဖြစ်ပါကြောင်း၊

မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (Myanmar Sustainable Development Plan-MSDP) အကောင်အထည်ဖော်ဆောင်ရွက် ရာတွင် လက်ရှိအခြေအနေကို ထင်ဟပ်စေသည့် စာရင်းအင်းအချက်အလက်များ၊ မြန်မာနိုင်ငံ အတွက် လိုအပ်ချက်များ၊ ဦးစားပေးဆောင်ရွက်ရမည့် လုပ်ငန်းများ၊ နယ်ပယ်အလိုက် ဆက်တိုက်ဆောင်ရွက်ရမည့် လုပ်ငန်းစဉ်များ၊ ဖွံ့ဖြိုးရေးမျှော်မှန်းချက်များကို ထည့်သွင်း ရေးဆွဲခြင်းဖြင့် ကမ္ဘာလုံးဆိုင်ရာ စဉ်ဆက်မပြတ်ဖွံ့ဖြိုးမှုပန်းတိုင်များ(SDGs)ကို အကောင် အထည်ဖော်ဆောင်ရာလည်း ရောက်ပါကြောင်း၊ MSDP ကို အမျိုးသားညွှန်ကိန်းမူဘောင် (National Indicator Framework-NIF) ဖြင့် တိုင်းတာနိုင်ရန်အတွက် ဌာနအဖွဲ့အစည်းပေါင်း (၁၀၀)ကျော်ဖြင့် ဆွေးနွေးညှိနှိုင်းမှုများအရ ညွှန်ကိန်းပေါင်း(၃၀၀)နီးပါးရှိပါကြောင်း၊ Data ရရှိနိုင်မှုနှင့် တွက်ချက်တိုင်းတာနိုင်ရေးအတွက် သက်ဆိုင်ရာဝန်ကြီးဌာနများမှ ပူးပေါင်း ဆောင်ရွက်ကြရန် လိုအပ်ပါကြောင်း ပြောကြားခဲ့ပါသည်။

  •  

စာရင်းအင်းများထုတ်ပြန်ရာတွင် ထုတ်ပြန်သင့်သည့် Data များထုတ်ပြန်နိုင်ရန် Data Openness ဆောင်ရွက်ရမှာ ဖြစ်သကဲ့သို့ Data Securityနှင့် Data Management တို့ကိုလည်း သေချာစွာဆောင်ရွက်ကြရမှာ ဖြစ်ပါကြောင်း၊ “From Data to Policy” ဟူသည့်အတိုင်း မူဝါဒများကို ဖော်ထုတ်နိုင်မည့် Statistical Input များအဖြစ် အသွင်ပြောင်းလဲနိုင်ရန် လိုအပ် ပါကြောင်း ပြောကြားခဲ့ပါသည်။

ဆက်လက်၍  စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေး ဗဟို ကော်မတီအတွင်းရေးမှူး၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ်ဒေါက်တာဝါဝါမောင်မှ စာရင်းအင်း အချက်အလက်မှန်ကန်ရေးနှင့် အရည်အသွေးပြည့်ဝရေး ကော်မတီအစည်းအဝေး (၁/၂၀၁၈) အစည်းအဝေးဆုံးဖြတ်ချက်များနှင့် ဆုံးဖြတ်ချက်များအပေါ် ဆောင်ရွက်ပြီးစီးမှုများ အား ရှင်းလင်းတင်ပြခဲ့ပါသည်။

ထို့နောက် စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေး ဗဟို ကော်မတီအဖွဲ့ဝင်များဖြစ်ကြသည့် ပြည်ထဲရေးဝန်ကြီးဌာန ပြည်ထောင်စုဝန်ကြီး၊ ပို့ဆောင်ရေး နှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး၊ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး၊ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ပြည်ထောင်စုဝန်ကြီး၊ လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန ပြည်ထောင်စုဝန်ကြီး၊ မြန်မာနိုင်ငံတော် ဗဟိုဘဏ်ဥက္ကဋ္ဌ၊ တိုင်း ဒေသကြီးနှင့် ပြည်နယ်အစိုးရအဖွဲ့များမှ စီးပွားရေးနှင့်သက်ဆိုင်သည့်ဝန်ကြီးများမှ သက်ဆိုင်ရာ ကဏ္ဍအလိုက် တင်ပြဆွေးနွေးခဲ့ကြပါသည်။

ဆက်လက်၍ စာရင်းအင်းဆိုင်ရာလုပ်ငန်းအဖွဲ့ခေါင်းဆောင်များမှ ကဏ္ဍအလိုက် စာရင်း အင်းလုပ်ငန်းများ ဆောင်ရွက်ထားရှိမှုအား ဆွေးနွေးတင်ပြခြင်း၊ တိရိစ္ဆာန်ကောင်ရေ စာရင်း ကောက်ယူရရှိမှု အခြေအနေအား တင်ပြခြင်း၊ နှစ်လယ်လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူခြင်းဆိုင်ရာ လုပ်ငန်းစဉ်များ တင်ပြခဲ့ကြပြီး အစည်းအဝေး တက်ရောက်လာသူများမှ  ဝိုင်းဝန်းဆွေးနွေးခဲ့ကြပါသည်။ ထို့နောက် စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီ ဥက္ကဋ္ဌ၊ ဒုတိယသမ္မတ(၂) ဦးဟင်နရီဗန်ထီးယူမှ ဆွေးနွေး တင်ပြချက်များအပေါ်ပေါင်းစပ်ညှိနှိုင်းပေးခဲ့ပါသည်။

          အဆိုပါ အစည်းအဝေးသည် လက်တွေ့ကျသည့် စီမံကိန်းများနှင့် မူဝါဒများ မှန်ကန်စွာ ချမှတ်နိုင်ရန်၊ ထိရောက်စွာအကောင်အထည်ဖော်ဆောင်ရွက်နိုင်ရန်၊ စောင့်ကြည့်လေ့လာသုံးသပ် နိုင်ရန်၊  စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေး ကိစ္စရပ်များအား သက်ဆိုင်ရာဝန်ကြီးဌာနများ၊ တိုင်းဒေသကြီးနှင့် ပြည်နယ်များ၊ Stakeholder များနှင့် ထိရောက်စွာ ပူးပေါင်းဆောင်ရွက်နိုင်ရန်၊ အချိန်နှင့်တစ်ပြေးညီ ထုတ်ပြန်နိုင်မည့် စွမ်းဆောင်မှု ရှိသည့် အမျိုးသားစာရင်းအင်းစနစ် ဖြစ်ပေါ်စေရန်အတွက် ပြုပြင်ပြောင်းလဲမှု Statistical Evolution လုပ်ဆောင်ရန် ရည်ရွယ်၍ ကျင်းပခဲ့ခြင်း ဖြစ်ပါသည်။

အစည်းအဝေးသို့ စာရင်းအင်းအချက်အလက် မှန်ကန်ရေးနှင့် အရည်အသွေး ပြည့်ဝရေး ဗဟိုကော်မတီ ဥက္ကဋ္ဌ၊ ဒုတိယသမ္မတ(၂)၊ စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စု ဝန်ကြီး၊ ပြည်ထောင်စုဝန်ကြီးဌာနများမှ ပြည်ထောင်စုဝန်ကြီးများ၊ တိုင်းဒေသကြီးနှင့်ပြည်နယ် အစိုးရအဖွဲ့များမှ စီးပွားရေးနှင့်သက်ဆိုင်သည့် ဝန်ကြီးများ၊ စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး၊ ပြည်ထောင်စုဝန်ကြီးဌာနများမှ အမြဲတမ်းအတွင်းဝန်များ၊ စာရင်းအင်းဆိုင်ရာ ဖွံ့ဖြိုးမှု အမျိုးသားအဆင့်မဟာဗျူဟာ ဖော်ဆောင်နိုင်ရေး လုပ်ငန်းအဖွဲ့ခေါင်းဆောင်များနှင့် တာဝန်ရှိသူများ အပါအဝင် စုစုပေါင်း(၁၂၀) ဦးခန့် တက်ရောက်ခဲ့ကြပါသည်။(သတင်းစဉ်)

, , ,