ပြည်ထောင်စုဝန်ကြီး ဦးစိုးဝင်း ဂျပန်နိုင်ငံ၊ Ministry of Economy, Trade and Industry၊ Office for Economic Development and Integration in East Asia ၏ ဒါရိုက်တာအား လက်ခံတွေ့ဆုံ

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းသည် (၁၄-၁-၂၀၁၉) ရက်နေ့ နေ့လယ် (၁၂:၃၀) နာရီတွင် ဂျပန်နိုင်ငံ၊ Ministry of Economy, Trade and Industry၊ Office for Economic Development and Integration in East Asia ၏ ဒါရိုက်တာ Mr. ORIYAMA Mitsutoshi နှင့် အဖွဲ့အား စီမံကိန်းနှင့် ဘဏ္ဍာရေး ဝန်ကြီး ဌာန၊ ရုံးအမှတ် (၂၆) တွင် လက်ခံတွေ့ဆုံသည်။ ထိုသို့ တွေ့ဆုံရာတွင် ကျေးလက်ဒေသများတွင် လျှပ်စစ်မီး ရရှိရေးအတွက် အကောင် အထည်ဖော်ဆောင်ရွက်နိုင်ရေးဆိုင်ရာ ကိစ္စရပ်များ၊ နိုင်ငံတော် ဘတ်ဂျက်မှ နှစ်စဉ်စိုက်ထုတ် သုံးစွဲနေရသည့် လျှပ်စစ်ဓာတ်အားခများအတွက် ငွေကြေး ဖြည့်ဆည်းပေးနိုင်ရေးဆိုင်ရာ ကိစ္စရပ်များ၊ ယင်းကဏ္ဍရှိ ပုဂ္ဂလိက ရင်းနှီးမြှုပ်နှံမှုများကို အားပေးအထောက်အကူ ပြုနိုင်ရေး ဆိုင်ရာ ကိစ္စရပ်များ၊ လိုအပ်သည့် ဥပဒေရေးရာ ကိစ္စရပ်များနှင့် စပ်လျဉ်း၍ ဆွေးနွေးခဲ့ ကြသည်။ အဆိုပါတွေ့ဆုံပွဲသို့ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင် နှင့် တာဝန်ရှိသူများ တက်ရောက်ခဲ့ကြကြောင်း သတင်းရရှိသည်။(သတင်းစဉ်)