တရုတ်-မြန်မာ စီးပွားရေးစင်္ကြံ အကောင်အထည်ဖော်ဆောင်ရွက်မှုနှင့် စပ်လျဉ်း၍ ညှိနှိုင်း အစည်းအဝေးကျင်းပ

နေပြည်တော် ၊ ဇန်နဝါရီလ ၂၇

တရုတ်-မြန်မာ စီးပွားရေးစင်္ကြံ အကောင်အထည်ဖော်ဆောင်ရွက်မှုနှင့် စပ်လျဉ်း၍  သက်ဆိုင်ရာ ဝန်ကြီးဌာနများနှင့် ညှိနှိုင်း အစည်းအဝေးကို ယနေ့ နံနက် ၉:၀၀ နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ အစည်းအဝေးခန်းမ၌ ကျင်းပရာ သက်ဆိုင်ရာဝန်ကြီး ဌာနများမှ တရုတ်-မြန်မာ စီးပွားရေးစင်္ကြံ ပူးတွဲကော်မတီအဖွဲ့ဝင် ဒုတိယဝန်ကြီးများ၊ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ၊  မကွေးတိုင်းဒေသကြီး၊ မန္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်နှင့် ဧရာဝတီတိုင်းဒေသကြီးတို့မှ စီးပွားရေးရာဝန်ကြီးများ၊ တရုတ်- မြန်မာစီးပွားရေးစင်္ကြံ ပူးပေါင်းဆောင်ရွက်မှုလုပ်ငန်း အဖွဲ့ဥက္ကဋ္ဌများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြသည်။
အစည်းအဝေးတွင် တရုတ်-မြန်မာ စီးပွားရေး စင်္ကြံပူးတွဲကော်မတီဥက္ကဋ္ဌ စီမံကိန်း နှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးက  တရုတ်-မြန်မာ စီးပွားရေးစင်္ကြံ ပူးတွဲကော်မတီ ပြန်လည်ဖွဲ့စည်းမှုနှင့် အကောင်အထည်ဖော်ဆောင်ရွက်ပြီးသည့် အခြေ အနေများ၊ရှေ့ဆက်လက်အကောင်အထည်ဖော်ဆောင်ရွက်ရန်ကိစ္စရပ်များ၊တရုတ်-မြန်မာ စီးပွားရေး စင်္ကြံပူးတွဲကော်မတီ တတိယအကြိမ် အစည်းအဝေး မတိုင်မီ နှစ်ဖက်လုပ်ငန်း အဖွဲ့အဆင့်အစည်းအဝေး ကျင်းပနိုင်ရေးအတွက် ကြိုတင်ပြင်ဆင် ဆောင်ရွက်ရန်ကိစ္စရပ် များနှင့် စပ်လျဉ်း၍ လမ်းညွှန်မှာကြားပါသည်။
ထို့နောက် တက်ရောက်လာကြသည့် ပူးတွဲကော်မတီအဖွဲ့ဝင်များမှ တရုတ်-မြန်မာ စီးပွားရေး စင်္ကြံပူးတွဲကော်မတီအောက်တွင် ဖွဲ့စည်းထားရှိသည့် လုပ်ငန်းအဖွဲ့များ၏ အကောင်အထည်ဖော် ဆောင်ရွက်နေမှု အခြေအနေများ၊  ရှေ့ဆက်ဆောင်ရွက်မည့် အစီ အစဉ်များ၊ ညှိနှိုင်းပေါင်းစပ်ရန် လိုအပ်သည်များနှင့်စပ်လျဉ်း၍ ဆွေးနွေးတင်ပြကြပါသည်။
ဆွေးနွေးချက်များအပေါ်  ပြည်ထောင်စုဝန်ကြီးက ရှေ့လုပ်ငန်းစဉ်များ လက်တွေ့ ကျကျ ဆောင်ရွက်နိုင်ရေး၊ Early Harvest စီမံကိန်းများကို သတ်မှတ်ထားသည့် အချိန် ကာလများအတိုင်း ဆောင်ရွက်ပြီးစီးနိုင်ရေး တို့အတွက် လမ်းညွှန်မှာကြားခဲ့ကြောင်း သတင်းရရှိသည်။

, , , , , ,