နိုင်ငံအဆင့်ဆန္ဒအလျောက်ပြန်လည်သုံးသပ်မှု (VNR) အစီရင်ခံစာ အပြီးသတ်ပြုစုရေး ညှိနှိုင်းအစည်းအဝေးကျင်းပ

နေပြည်တော်၊ မေ ၃၁ ရက်

နိုင်ငံအဆင့်ဆန္ဒအလျောက် ပြန်လည်သုံးသပ်မှု (Voluntary National Review-VNR) အစီရင်ခံစာ တင်သွင်းရေးအတွက် ပူးပေါင်းဆောင်ရွက်ရေးကော်မတီ ဥက္ကဋ္ဌ၊ ဒုတိယဝန်ကြီး ဒေါ်သန်းသန်းလင်း ဦးဆောင်၍  ပြည်ထောင်စုအဆင့်အဖွဲ့အစည်းများ၊ ဝန်ကြီးဌာနများနှင့်  VNR အစီရင်ခံစာ အပြီးသတ်ပြုစုရေး ညှိနှိုင်းအစည်းအဝေးကို ၃၁-၅-၂၀၂၁ ရက်နေ့၊ နံနက် ၁၀:၀၀ နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂) အစည်းအဝေးခန်းမ၌ ကျင်းပ သည်။

အစည်းအဝေးသို့ ပြည်ထောင်စုအဆင့်အဖွဲ့အစည်းများ၊ ဝန်ကြီးဌာနများမှ ကိုယ်စားလှယ် များနှင့် ဌာနဆိုင်ရာများမှ တာဝန်ရှိပုဂ္ဂိုလ်များ တက်ရောက်ခဲ့ကြသည်။

မြန်မာနိုင်ငံက နိုင်ငံအဆင့်ဆန္ဒအလျောက် ပြန်လည်သုံးသပ်မှုအစီရင်ခံစာ(VNR) ကို ၂၀၂၁ ခုနှစ်၊ ဇူလိုင်လတွင် ကျင်းပပြုလုပ်မည့်  21st High Level Political Forum(HLPF) အစည်းအဝေးတွင် တင်သွင်းမည်ဖြစ်ကြောင်း၊ အစီရင်ခံစာပြုစုရန် ပြည်တွင်း အစိုးရမဟုတ် သည့် အဖွဲ့အစည်းများ၊ တိုင်းဒေသကြီး/ပြည်နယ်များရှိ အစိုးရဌာနများ၊ အရပ်ဘက် လူမှုအဖွဲ့ အစည်းများနှင့် လုပ်ငန်းရှင်များ၏ အကြံပြုချက်များကို ညှိနှိုင်းအစည်းအဝေးများ ပြုလုပ်ရယူ ခဲ့ပြီး အစီရင်ခံစာရေးသားမှုတွင် ပြည်ထောင်စုအဆင့် အဖွဲ့အစည်းများ၊ ပြည်ထောင်စုဝန်ကြီး ဌာနများ၏ အကြံပြုချက်များကို အခြေခံ၍ ပြုစုထားခြင်းဖြစ်ကြောင်း၊ တက်ရောက်လာသူများ ကလည်း အစီရင်ခံစာမူကြမ်းအပေါ် ဖြည့်စွက်အကြံပြုကြပြီး အစီရင်ခံစာမူကြမ်းကို အပြီးသတ် ညှိနှိုင်းခဲ့ကြောင်း သတင်းရရှိသည်။

,