မီးဘေးသတိမူရေးနှင့် ကြိုတင်ကာကွယ်ရေး ဟောပြောသရုပ်ပြပွဲကျင်းပ

မီးဘေးသတိမူရေးနှင့် ကြိုတင်ကာကွယ်ရေး ဟောပြောသရုပ်ပြပွဲကျင်းပ ၂၇ ရက်၊ ဧပြီ ၂၀၂၁ မီးဘေးသတိမူရေးနှင့် ကြိုတင်ကာကွယ်ရေး ဟောပြောသရုပ်ပြပွဲကို ၂၇-၄-၂၀၂၁ ရက်နေ့တွင် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ရုံးအမှတ် (၃၂) ၌ ကျင်းပခဲ့ပါသည်။ အဆိုပါ ဟောပြောသရုပ်ပြပွဲသို့ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန(စီမံကိန်း)ရှိ ဦးစီး ဌာန/ အဖွဲ့အစည်းများမှ ဝန်ထမ်းစုစုပေါင်း (၅၀) ခန့် တက်ရောက်ခဲ့ကြသည်။ ရှေးဦးစွာ ပြည်ထဲရေးဝန်ကြီးဌာန၊ မြန်မာနိုင်ငံ မီးသတ်တပ်ဖွဲ့၊ ဒဏ္ခိဏသီရိခရိုင် မီးသတ် ဦးစီးရုံးမှ လက်ထောက်ညွှန်ကြားရေးမှူး ဦးဟိန်းမင်းထိုက်မှ မီးသတ်တပ်ဖွဲ့သမိုင်း၊ ရည်ရွယ်ချက်၊ မီးသတ်ဦးစီးဌာန၏ တာဝန်ကြီးလေးရပ်၊ မီးလောင်ကျွမ်းရသည့် အမျိုးအစားများ၊ မီးခိုးအန္တရာယ်၊ မီးလောင်ဒဏ်ရာအမျိုးအစား၊ ရုံးဌာန အဆောက်အဦများတွင် မီးငြိမ်းသတ်ရေးအတွက် ဆောင်ရွက်ရန် များ၊ မီးဘေးအန္တရာယ်ကာကွယ်ရေး အစီအစဉ်များ၊ လေဝင်လေထွက် ကောင်းမွန်ရေး စနစ်များကို ရှင်းပြခဲ့ပါသည်။ ထို့နောက် မီးသတ်ဆေးဘူးအသုံးပြုပုံနှင့် မီးငြိမ်းသတ်ရန်အတွက် သရုပ်ပြမှုများကို လက်တွေ့ ပြုလုပ်ပြခဲ့ကြပြီး တက်ရောက်လာသည့်ဝန်ထမ်းများမှလည်း ပူးပေါင်းပါဝင် လုပ်ဆောင်ခဲ့ကြကြောင်း သတင်းရရှိသည်။ (သတင်းစဉ်)
, , ,