စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း ဒေသတွင်း ဘက်စုံ စီးပွားရေး ပူးပေါင်းဆောင်ရွက်မှုဆိုင်ရာ အာဆီယံ စီးပွားရေးဝန်ကြီးများ သီးသန့် အစည်းအဝေးသို့ တက်ရောက်

,

စင်ကာပူနိုင်ငံ၊  Crowne Plaza Changi Airport ဟိုတယ်၌ ၂၀၁၈ ခုနှစ် ဇန်နဝါရီလ ၁၁ ရက်နေ့တွင် ဒေသတွင်းဘက်စုံစီးပွားရေး ပူးပေါင်းဆောင်ရွက်မှုဆိုင်ရာ အာဆီယံစီးပွားရေးဝန်ကြီးများ သီးသန့်အစည်းအဝေးကိုကျင်းပခဲ့ရာ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း ဦးဆောင်သော မြန်မာကိုယ်စား လှယ်အဖွဲ့ ပါဝင်တက် ရောက်သည်။

အဆိုပါ အစည်းအဝေးသို့ အာဆီယံအဖွဲ့ဝင်နိုင်ငံများမှ စီးပွားရေးဝန်ကြီးများနှင့် အဆင့်မြင့် စီးပွားရေးအရာရှိများ၊ အာဆီယံ အထွေထွေအတွင်းရေးမှူးချုပ်နှင့် အရာထမ်း များ အပါအဝင် စုစုပေါင်း ကိုယ်စားလှယ် ( ၄၀ ) ဦးခန့် တက်ရောက်ကြသည်။

အဆိုပါ အစည်းအဝေးတွင် ဒေသတွင်းဘက်စုံစီးပွားရေး ပူးပေါင်းဆောင်ရွက်မှု သဘောတူစာချုပ် ချုပ်ဆိုနိုင်ရေးအတွက် စေ့စပ်ညှိနှိုင်းမှုများကို ၂၀၁၈ ခုနှစ်တွင် အပြီးသတ် ညှိနှိုင်း နိုင်ရေးအတွက် ဆက်လက်လုပ်ဆောင်ရမည့်ကိစ္စရပ်များ၊ အာဆီယံနိုင်ငံများ၏ ရပ်တည် ချက်များ၊ ထိုင်းနိုင်ငံ၌ ၂၀၁၈ ခုနှစ် ဇန်နဝါရီလ ၅ ရက်နေ့မှ ၆ ရက်နေ့အထိ ကျင်းပခဲ့သည့် ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု ကုန်သွယ်ရေးညှိနှိုင်းမှု ကော်မတီ၏ တတိယအကြိမ် အာဆီယံနိုင်ငံများ သီးသန့်ကြားဖြတ်ညှိနှိုင်းအစည်းအဝေး၏ ဆွေးနွေးမှု ရလဒ်များနှင့် စင်ကာပူနိုင်ငံ၌ ၂၀၁၈ ခုနှစ် မတ်လတွင် ကျင်းပပြုလုပ်မည့် ဒေသတွင်း ဘက်စုံစီးပွားရေး ပူးပေါင်းဆောင်ရွက်မှုဆိုင်ရာ ဝန်ကြီးများ၏ စတုတ္ထအကြိမ် ကြားဖြတ် ညှိနှိုင်းအစည်းအဝေးအတွက် ကြိုတင်ပြင်ဆင်ဆောင်ရွက်မှုများအပေါ် အမြင်ချင်းဖလှယ် ဆွေးနွေးညှိနှိုင်းကြသည်။

ဇန်နဝါရီ ၁၁