၂၀၁၈ ခုနှစ်၊ (ဧပြီလမှ စက်တင်ဘာလအထိ) ၆ လ အမျိုးသားစီမံကိန်းအပေါ် အကောင်အထည် ဖော်နိုင်မှု အခြေအနေအား စိစစ်သုံးသပ်ခြင်း နှင့် ၂၀၁၈-၂၀၁၉ ဘဏ္ဍာနှစ်၊ အမျိုးသား စီမံကိန်းအား အကောင်အထည်ဖော်မည့် လုပ်ငန်းစဉ်များကို ညှိနှိုင်းအစည်းအဝေး

နေပြည်တော် စက်တင်ဘာ ၁၇

     ၂၀၁၈ ခုနှစ်၊ စက်တင်ဘာလ (၁၇) ရက်နေ့တွင် ရုံးအမှတ်(၁)၊ နေပြည်တော် အစည်းအဝေး ခန်းမ(၁) ၌ ကျင်းပခဲ့သည့်  ၂၀၁၈ ခုနှစ်၊

(ဧပြီလမှ စက်တင်ဘာလအထိ) ၆ လ အမျိုးသား စီမံကိန်းအပေါ် အကောင်အထည် ဖော်နိုင်မှု အခြေအနေအား စိစစ်သုံးသပ်ခြင်းနှင့်

၂၀၁၈-၂၀၁၉ ဘဏ္ဍာနှစ်၊ အမျိုးသားစီမံကိန်းအား အကောင်အထည်ဖော်မည့် လုပ်ငန်းစဉ် များကို တိုင်းဒေသကြီး/ပြည်နယ်များ နှင့်

ဆွေးနွေးသည့် ညှိနှိုင်းအစည်းအဝေး ဖြစ်ပါသည်။

     ညှိနှိုင်းအစည်းအဝေး ကျင်းပသည့် ရည်ရွယ်ချက်မှာ တိုင်းဒေသကြီး/ပြည်နယ်များ၏ ၂၀၁၈ ခုနှစ်၊ (ဧပြီလမှ စက်တင်ဘာလအထိ)

၆ လ အမျိုးသားစီမံကိန်း အကောင်အထည် ဖော်နိုင်မှုအခြေအနေ စိစစ်ခြင်းနှင့် ၂၀၁၈-၂၀၁၉ ဘဏ္ဍာနှစ်၊ အမျိုးသားစီမံကိန်းအား

အကောင်အထည်ဖော်မည့် လုပ်ငန်းစဉ် များကို ညှိနှိုင်းဆွေးနွေးခြင်းတို့ဖြစ်ပါသည်။

     အစည်းအဝေးတွင် စီမံကိန်းရေးဆွဲရေးဦးစီးဌာန၊ ညွှန်ကြားရေးမှူးချုပ် ဦးမောင်မောင်တင့် မှ အဆိုပါ အစည်းအဝေးကို

ရည်ရွယ်ချက်(၂)ခုဖြင့် ကျင်းပခြင်းဖြစ်ကြောင်း၊ ပထမအချက် အနေဖြင့် mini ဘတ်ဂျက် ဖြစ်သည့် (၆)လ အမျိုးသားစီမံကိန်း၏

အကောင် အထည်ဖော်မှုတို့ကို တင်ပြရန် နှင့် ဒုတိယအချက်သည် ၂၀၁၈-၂၀၁၉ ဘဏ္ဍာနှစ် အမျိုးသား စီမံကိန်းကို

(၁၁-၉-၂၀၁၈) ရက်နေ့တွင် လွှတ်တော်မှ အတည်ပြုပြီး ဖြစ်သည့်အတွက် ဆောင်ရွက်နေသည့် လုပ်ငန်းကိစ္စရပ်များကို

ညှိနှိုင်းဆွေးနွေးကြရန် အမှာစကား ပြောကြား ခဲ့ပါသည်။

     အစည်းအဝေးတွင် တက်ရောက်လာသည့် တာဝန်ရှိပုဂ္ဂိုလ်များမှ  ၂၀၁၈ ခုနှစ်၊ (ဧပြီလမှ စက်တင်ဘာလအထိ) ၆ လ

အမျိုးသားစီမံကိန်းအပေါ် အကောင်အထည်ဖော်နိုင်မှု အခြေအနေ ကိုစိစစ်သုံးသပ်ခြင်းနှင့် ၂၀၁၈-၂၀၁၉ ဘဏ္ဍာနှစ်၊

အမျိုးသားစီမံကိန်းအား အကောင် အထည်ဖော်မည့် လုပ်ငန်းစဉ်ကိစ္စရပ်များကို ဆွေးနွေးညှိနှိုင်းကြပါသည်။

     အဆိုပါအစည်းအဝေးသို့ စီမံကိန်းရေးဆွဲရေးဦးစီးဌာန (ရုံးချုပ်)ရှိ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊

ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများနှင့် တိုင်းဒေသကြီး/ ပြည်နယ်များမှ

တာဝန်ရှိ စီမံကိန်း ဦးစီးမှူးများဖြင့် စုစုပေါင်း (၁၇၇) ဦးခန့် တက်ရောက် ခဲ့ကြပါသည်။