“Capacity Development Strategy Workshop” အလုပ်ရုံဆွေးနွေးပွဲကျင်းပခြင်း

      စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် ဂျာမနီနိုင်ငံ GIZ အဖွဲ့တို့ ပူးပေါင်း၍“Capacity Development Strategy Workshop”အလုပ်ရုံဆွေးနွေးပွဲကို ၂၀၁၈ခုနှစ်၊ ဩဂုတ်လ ၁၆ ရက်နေ့တွင် Horizon Lake View Resort ဟိုတယ်၊ နေပြည်တော်တွင်ကျင်းပရာဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာ ဝါဝါမောင် နှင့် GIZမှ အဖွဲ့ခေါင်းဆောင်၊ Ms. Jasmine Freischladတို့မှ  အဖွင့်အမှာစကားပြောကြားခဲ့ ပါသည်။

      ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ အဖွင့်အမှာစကား ပြောကြားရာတွင် Capacity Development Strategy (CDS)ကိုသေချာစွာနားလည်သိရှိထား ရန်လိုအပ်ပါကြောင်း၊ ဝန်ထမ်းအချင်းချင်း အကြား တစ်ဦး နှင့် တစ်ဦး Communicationနှင့် Cooperationများ ကောင်းမွန်ရန်လိုအပ်ပါကြောင်း၊ ဝန်ကြီးဌာနများအကြားအလျားလိုက် ပူးပေါင်းဆောင်ရွက်ရန်လိုအပ်သကဲ့သို့ရုံးချုပ်၊တိုင်းဒေသကြီးနှင့်ပြည်နယ်များအကြားဒေါင်လိုက်ချိတ်ဆက်ဆောင်ရွက်ရန်လည်းလိုအပ်ပါကြောင်း၊ ဗဟိုစာရင်းအင်းအဖွဲ့၏ စာရင်းအင်းဥပဒေ တွင် ထည့်သွင်းပါရှိသည့် Mission များအတိုင်းအတိအကျ လိုက်နာဆောင်ရွက်ရမည် ဖြစ်ပါကြောင်း၊ ဗဟိုစာရင်းအင်းအဖွဲ့သည် အမျိုးသားစာရင်းအင်းဆိုင်ရာညှိနှိုင်းရေးမှူးရုံးဖြစ် သောကြောင့် ဗဟိုစာရင်းအင်းအဖွဲ့၏ အခန်းကဏ္ဍကိုမြှင့်တင်ဆောင်ရွက်ရမည်ဖြစ်ပါကြောင်း၊ စာရင်းအင်းအချက်အလက်များ Template ထည့်သွင်းရာတွင်လည်း ၃လတစ်ကြိမ် ထည့်သွင်းရမည့်  Data များ၊ ၆လတစ်ကြိမ် ထည့်သွင်းရမည့် Dataများနှင့် တစ်နှစ်တစ်ကြိမ် ထည့်သွင်းရမည့် Data များကိုခွဲခြားသတ်မှတ်ပေးရန်လိုအပ်ပါကြောင်း၊ တိုင်း ဒေသကြီးနှင့် ပြည်နယ်များမှ Annualနှင့် Quarterly အလိုက် အမှန်တကယ်ရရှိနိုင်မည့် Data များကို စာရင်းပေးသွင်းရန် လိုအပ်ပါကြောင်း၊ စစ်တမ်းကောက်ယူမှုများတွင် လည်းအမှန်တကယ် သွားရောက်၍ ကောက်ယူထားခြင်းရှိ/ မရှိအား GIS နည်းပညာအသုံးပြု၍ စစ်ဆေးဆောင်ရွက် နိုင်မည်ဖြစ်ပါကြောင်း၊ ငွေးကြေး​ဖောင်းပွမှု(Inflation)နှင့် ငွေကြေးလဲလှယ်နှုန်း (Exchange Rate)များသည်နိုင်ငံအတွင်းပိုမိုအာရုံစိုက်ခြင်းခံနေရသည့်အတွက်စားသုံးသူစျေးဆနှုန်း(Consumer Price Index -CPI) နှင့်နိုင်ငံတကာစျေးနှုန်းနှိုင်းယှဉ်မှုအစီအစဉ် (International Comparison Program -ICP)ကောက်ယူမှုကိုCSOအနေဖြင့် အလေးအနက်ထားဆောင်ရွက် ရမည် ဖြစ်ပါကြောင်းပြောကြားခဲ့ပါသည်။

          ဆက်လက်၍ GIZမှ အဖွဲ့ခေါင်းဆောင်၊ Ms. Jasmine Freischlad မှ အမှာစကားပြောကြားရာတွင် ဗဟိုစာရင်းအင်းအဖွဲ့အနေဖြင့်အမျိုးသားညွှန်ကိန်းမူဘောင် (National Indicator Framework-NIF)တစ်ရပ်ဖွံ့ဖြိုးလာစေရေးအတွက် ဆောင်ရွက်နေပါ ကြောင်း၊ဖွဲ့စည်းပုံများနှင့် လုပ်ငန်းစဉ်များဖွံ့ဖြိုးတိုးတက်မှု၊ ပူးပေါင်းဆောင်ရွက်မှုစနစ်များ ဖွံ့ဖြိုးတိုးတက်မှုနှင့် အခြေခံမူဘောင်များဖွံ့ဖြိုးတိုးတက်မှုဖြစ်ပေါ်စေခြင်းစသည့် ခေါင်းစဉ်များကို အခြေခံ၍ ယခုလက်ရှိအားသာချက်နှင့်အားနည်းချက်များ၊ လိုအပ်သောစွမ်းရည်များ၊အခြား ဖွံ့ဖြိုးမှု မိတ်ဖက်များမှပေးထားပြီးသောပံ့ပိုးမှုများ၊ စွမ်းရည်ဖွံ့ဖြိုးတိုးတက်မှုအတိုင်းအတာနှင့် အစီအစဉ်တကျချိတ်ဆက်ခြင်းများကိုဝိုင်းဝန်းဆွေးနွေးကြပါရန် ပြောကြားခဲ့ပါသည်။

          ထို့နောက် GIZ၏Consultant ဖြစ်သူMs. Birgit Kerstan မှ Economic၊ Trade and Price၊ Survey၊ Vital၊ Social နှင့် Regionalစသည်ဖြင့်အုပ်စု(၆)စုခွဲ၍  အဖွဲ့အလိုက် တစ်ဦး တစ်ယောက်ချင်းစွမ်းရည်ဖွံ့ဖြိုးတိုးတက်မှု၊ အဖွဲ့အစည်းများ၏ဖွဲ့စည်းပုံများနှင့် လုပ်ငန်းစဉ်များ ဖွံ့ဖြိုး တိုးတက်မှု၊ လူ့အဖွဲ့အစည်းအတွင်းပူးပေါင်းဆောင်ရွက်ခြင်းစနစ်များဖွံ့ဖြိုးတိုးတက်မှု၊ အခြေခံမူဘောင်များဖြစ်ပေါ်လာစေခြင်းဖွံ့ဖြိုးတိုးတက်မှုအစရှိသည့်ခေါင်းစဉ်များအလိုက် အကြံ ပြုတင်ပြနိုင်ရန် ရှင်းလင်းပြောကြားခဲ့ပါသည်။အဖွဲ့များအလိုက် ဝိုင်းဝန်းဆွေးနွေးကြပြီး ဆုံးဖြတ်ချက်များကိုအဖွဲ့အလိုက် Presentation   ပြုလုပ်ခဲ့ကြပါသည်။  အဖွဲ့များအလိုက် Presentationတင်ပြမှုများအပေါ် ညွှန်ကြားရေးမှူးချုပ် ဒေါက်တာဝါဝါမောင်မှ ပြန်လည် သုံးသပ်၍ ဆွေးနွေးမှုများပြုလုပ်ခဲ့ပါသည်။

အဆိုပါအလုပ်ရုံဆွေးနွေးပွဲသို့ ဗဟိုစာရင်းအင်းအဖွဲ့(ရုံးချုပ်)၊တိုင်းဒေသကြီးနှင့်ပြည်နယ် များရှိ ဗဟိုစာရင်းအင်းအဖွဲ့ရုံးခွဲများမှ ဝန်ထမ်းစုစုပေါင်း(၅၀)ဦးခန့် တက်ရောက်ခဲ့ကြပါသည်။

(သတင်းစဉ်)