မြန်မာ-ကိုရီးယား တရားဝင်ဖွံ့ဖြိုးမှုအကူအညီမူဝါဒဆိုင်ရာ ညှိနှိုင်း အစည်းအဝေး (Working Level Meeting) ကျင်းပ

မြန်မာ-ကိုရီးယား တရားဝင်ဖွံ့ဖြိုးမှုအကူအညီမူဝါဒဆိုင်ရာ ဆွေးနွေးပွဲအတွက် ညှိနှိုင်း အစည်းအဝေး (Working Level Meeting) ကို နေပြည်တော်ရှိ စီမံကိန်းနှင့်ဘဏ္ဍာရေး ဝန်ကြီးဌာန၊ ရုံးအမှတ် (၁)၊ အစည်းအဝေးခန်းမ (၃) တွင် ၂၀၁၈ ခုနှစ် နိုဝင်ဘာလ ၁ ရက်၊ နံနက် ၁၀း၀၀ နာရီတွင် ကျင်းပပြုလုပ်ခဲ့ရာ မြန်မာနိုင်ငံဘက်မှ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊လျှပ်စစ်နှင့်စွမ်းအင် ဝန်ကြီးဌာန၊ ဆောက်လုပ်ရေးဝန်ကြီးဌာန၊ စီမံကိန်းနှင့်ဘဏ္ဍာရေးဝန်ကြီးဌာနတို့မှ တာဝန်ရှိသူများနှင့်ကိုရီးယားသမ္မတနိုင်ငံဘက်မှ Ministry of Economy and Finance (MOEF)၊ Development Cooperation Division ၏ Director ဖြစ်သူ Mr. Na, Sanggon၊ Deputy Director ဖြစ်သူ Mr. An, Giyong နှင့် Korea Exim Bank တို့မှ တာဝန်ရှိသူများ တက်ရောက်ခဲ့ကြပါသည်။

အဆိုပါဆွေးနွေးပွဲတွင် ကိုရီးယားနိုင်ငံ၊ MOEF မှ EDCF Policy Objectives နှင့် မြန်မာနိုင်ငံဘက်မှ EDCF ချေးငွေ (၂၀၁၈-၂၀၂၂) ဖြင့် ဆောင်ရွက်လိုသည့် Candidate Projects များနှင့် Pipeline Project စီမံကိန်းများ၏ ဆောင်ရွက်မှုအခြေအနေများကို ဆွေးနွေးခဲ့ ကြပါသည်။ ဆက် လက်၍ Korea - Myanmar ODA Policy Dialogue ကို ၂၀၁၈ ခုနှစ် နိုဝင်ဘာလ နောက်ဆုံးအပတ်တွင် ကျင်းပနိုင်ရေးနှင့်စပ်လျဉ်း၍ ဆွေးနွေးခဲ့ကြပါသည်။