ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် အာဆီယံအသိုက်အဝန်းစာရင်းအင်းစနစ် Open Data အကောင်အထည်ဖော်ဆောင်ရွက်မှု မူဘောင်နှင့် Big Data အား အာဆီယံ အသိုက်အဝန်းစာရင်းအင်းစနစ်ဆိုင်ရာ တရားဝင်စာရင်းအင်းအတွက် တိုးမြှင့်ဆောင်ရွက်ရန် ဒေသတွင်းအလုပ်ရုံဆွေးနွေးပွဲသို့ တက်ရောက်

,

စင်ကာပူနိုင်ငံတွင် ၂၀၁၉ ခုနှစ်၊ ဧပြီလ (၂၃) ရက်နေ့မှ (၂၅) ရက်နေ့အထိကျင်းပသည့် အာဆီယံအသိုက်အဝန်းစာရင်းအင်းစနစ် Open Data အကောင်အထည်ဖော်ဆောင်ရွက်မှု မူဘောင် နှင့် Big Data အား အာဆီယံအသိုက်အဝန်း စာရင်းအင်းစနစ်ဆိုင်ရာ တရားဝင်စာရင်းအင်းအတွက် တိုးမြှင့်ဆောင်ရွက်ရန် ဒေသတွင်းအလုပ်ရုံဆွေးနွေးပွဲသို့ ဗဟိုစာရင်းအင်းအဖွဲ့မှ ဒုတိယညွှန်ကြား ရေးမှူးချုပ် ဦးသန်းဇော်နှင့် ညွှန်ကြားရေးမှူး ဒေါ်ညိမ်းညိမ်းမော်၊ ရင်းနှီးမြှုပ်နှံမှုနှင့် နိုင်ငံခြား စီးပွားဆက်သွယ်ရေးဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ လက်ထောက် ညွှန်ကြားရေးမှူး ဒေါ်အိသဉ္ဇာဝင်းတို့ တက်ရောက်ခဲ့ပါသည်။ အလုပ်ရုံဆွေးနွေးပွဲတွင် (၈)ကြိမ်မြောက် အာဆီယံအသိုက်အဝန်းစာရင်းအင်းစနစ် ကော်မတီ အစည်းအဝေး (8th Session of the ACSS Committee) မှ ဆွေးနွေးမှုများအရ ACSS Open Data Initiative for Statistics မူဘောင် အကောင်အထည်ဖော်ဆောင်ရွက်မှု တိုးမြှင့်ရန်နှင့် စာရင်းအင်း အချက်အလက် ဖြန့်ဝေခြင်းနှင့်အသုံးပြုမှု သဘောတရားကို ထပ်မံတိုးမြှင့်နိုင်ရန်အတွက် အပြည် ပြည်ဆိုင်ရာ Open Data အကဲဖြတ်မှုနည်းစနစ် အသုံးပြုခြင်းနှင့် အယူအဆများအား သိရှိနိုင်ရေး ဆွေးနွေးခဲ့ပါသည်။ အဆိုပါအလုပ်ရုံအစည်းအဝေး ကျင်းပရခြင်း၏ ရည်ရွယ်ချက်မှာ တရားဝင်စာရင်းအင်းများ တွင် Big Data အသုံးပြုမှုနှင့်စပ်လျဉ်း၍ အခွင့်အလမ်းများ၊ တွေ့ကြုံရသည့်အခက်အခဲများ၊ အလေ့အကျင့်ကောင်းများနှင့် အလားအလာတို့အား ပိုမိုသိရှိနိုင်ရေးအတွက် ထောက်ပံ့ပေးနိုင်ရန် ဖြစ်ပါသည်။ အလုပ်ရုံဆွေးနွေးပွဲသို့ တက်ရောက်ခြင်းဖြင့် အာဆီယံစာရင်းအင်းစနစ် စောင့်ကြည့်စစ်ဆေး ခြင်းနှင့် အကဲဖြတ်ခြင်းစနစ်၊ တရားဝင်စာရင်းအင်းများတွင် Big Data အသုံးပြုမှုနှင့် စပ်လျဉ်း၍ အထောက်အကူရရှိခြင်း၊ စာရင်းအင်းဆိုင်ရာပူးပေါင်းဆောင်ရွက်မှု အခွင့်အလမ်းများ ပိုမိုရရှိလာ ခြင်းနှင့် စာရင်းအင်းဆိုင်ရာလက်တွေ့ အကောင်အထည်ဖော်ဆောင်ရွက်မှုများအတွက် များစွာ အကျိုးရှိစေမည် ဖြစ်ပါသည်။ (သတင်းစဉ်)