ကရင်ပြည်နယ်၊ ပြည်နယ်အစိုးရအဖွဲ့ရုံး အစည်းအဝေးခန်းမတွင် မြန်မာနေထိုင်မှုအခြေအနေစစ်တမ်း(၂၀၁၇) အဓိကညွှန်ကိန်းများအစီရင်ခံစာ မိတ်ဆက်ပွဲ အခမ်းအနား ကျင်းပခြင်း ၂၀၁၉ ခုနှစ်၊ ဧပြီလ (၈) ရက် ဘားအံမြို့

        မြန်မာနေထိုင်မှုအခြေအနေစစ်တမ်း(၂၀၁၇) အဓိကညွှန်ကိန်းများအစီရင်ခံစာ မိတ်ဆက်ပွဲ  အခမ်းအနားကို ၂၀၁၉ ခုနှစ်၊ ဧပြီလ(၈) ရက်နေ့၊ နံနက်(၁၀:၀၀)နာရီတွင် ကရင်ပြည်နယ်၊ ပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပခဲ့ရာ ကရင်ပြည်နယ်၊ မွန်တိုင်းရင်းသား လူမျိုးရေးရာဝန်ကြီး ဉီးမင်းတင်ဝင်းမှ အဖွင့်အမှာစကား ပြောကြားခဲ့ပါသည်။

          ထို့နောက် ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ် ဉီးသန်းဇော်မှ မြန်မာ နေထိုင်မှုအခြေအနေစစ်တမ်း(၂၀၁၇) အဓိကညွှန်ကိန်းများအစီရင်ခံစာနှင့် စပ်လျဉ်း၍ ရှင်းလင်း တင်ပြခဲ့ပြီး အစည်းအဝေးသို့ တက်​ရောက်လာကြသူများမှ သိလိုသည်များကို  ပြန်လည်ဆွေးနွေး တင်ပြခဲ့ကြပါသည်။

          အစည်းအဝေးသို့ ကရင်ပြည်နယ်အစိုးရအဖွဲ့ဝင် ဝန်ကြီးများ၊ ဌာနဆိုင်ရာများမှ ဖိတ်ကြား ထားသည့်ပုဂ္ဂိုလ်များ၊ ကရင်ပြည်နယ်၊ ဗဟိုစာရင်းအင်းအဖွဲ့မှ ဝန်ထမ်းများ အပါအဝင် စုစုပေါင်း (၅၀)ဦးခန့် တက်ရောက်ခဲ့ကြပါသည်။

(သတင်းစဉ်)

,