Training Workshop on Metadata for the SDGs Indicators သင်တန်း/အလုပ်ရုံဆွေးနွေးပွဲ ကျင်းပ

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သည် United Nations Statistical Division (UNSD) ၏ အထောက်အပံ့ဖြင့် “Training Workshop on Metadata for the SDGs Indicators” သင်တန်း/အလုပ်ရုံဆွေးနွေးပွဲကို နေပြည်တော်ရှိ Kempinski Hotel တွင် ၂၀၁၉ ခုနှစ် ဖေဖော်ဝါရီလ (၅) ရက်နေ့မှ (၇) ရက်နေ့အထိ ဖွင့် လှစ်ပို့ချခဲ့ရာ ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်ဦးဆန်းမြင့်မှ အဖွင့်အမှာစကား ပြောကြားခဲ့ပါသည်။

ဗဟိုစာရင်းအင်းအဖွဲ့၊ ညွှန်ကြားရေးမှူးချုပ်ဦးဆန်းမြင့်မှ အဖွင့်အမှာစကား ပြော ကြားရာတွင် SDGs ညွှန်ကိန်းများ နိုင်ငံတကာစံနှုန်းများနှင့်အညီ နှိုင်းယှဉ်ဖော်ပြနိုင်ရန် Metadata ရရှိနိုင်ရေးသည် အရေးကြီးသည့်အတွက် သက်ဆိုင်ရာဌာနများမှ တွက်ချက် လျက်ရှိသည့် ကဏ္ဍဆိုင်ရာစာရင်းအင်းညွှန်ကိန်းများဖြင့် မြန်မာနိုင်ငံ၏ Metadata ထွက်ပေါ်လာရေးအတွက် ကူညီဆွေးနွေးပံ့ပိုးရန် ပြောကြားခဲ့ပါသည်။

အဆိုပါ သင်တန်း/အလုပ်ရုံဆွေးနွေးပွဲသို့ ဗဟိုစာရင်းအင်းအဖွဲ့အပါအဝင် သက်ဆိုင် ရာ အစိုးရဌာန/အဖွဲ့အစည်း (၁၉) ခုမှ အရာထမ်း၊ အမှုထမ်းစုစုပေါင်း (၅၄) ဦးတက်ရောက် ခဲ့ကြပါသည်။(သတင်းစဉ်)

, , ,