Towards Sustainable Development Goals: D4H Evaluation Finding and Mortality Statistics for 2018 အလုပ်ရုံဆွေးနွေးပွဲကျင်းပ

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ကျန်းမာရေးနှင့်အားကစား ဝန်ကြီးဌာနနှင့် Bloomberg Data for Health Initiative အဖွဲ့တို့ ပူးပေါင်းပြီး “Towards Sustainable Development Goals: D4H Evaluation Finding and Mortality Statistics for 2018” အလုပ်ရုံဆွေးနွေးပွဲကို နေပြည်တော်ရှိ Thingaha Hotel တွင် ၂၀၁၉ ခုနှစ်၊ ဇန်နဝါရီလ(၃၀)ရက်နေ့မှ (၃၁)ရက်နေ့အထိ ကျင်းပခဲ့ပါသည်။

အဆိုပါအလုပ်ရုံဆွေးနွေးပွဲကို ကျန်းမာရေးနှင့် အားကစားဝန်ကြီးဌာနမှ ပြည်ထောင်စု ဝန်ကြီး ဒေါက်တာမြင့်ထွေး၊ ဒုတိယဝန်ကြီး ဒေါက်တာမြလေးစိန်၊ အမြဲတမ်းအတွင်းဝန် ဒေါက်တာသက်ခိုင်ဝင်း၊ စီမံကိန်းနှင့်ဘဏ္ဍာရေးဝန်ကြီးဌာနမှ အမြဲတမ်းအတွင်းဝန် ဦးထွန်း ထွန်းနိုင်၊ ကျန်းမာရေးနှင့်အားကစားဝန်ကြီးဌာနမှ ညွှန်ကြားရေးမှူးချုပ် ဒေါက်တာတင်တင် လေး၊ ဒေါက်တာစိုးဦး၊ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဦးဆန်းမြင့်၊ Bloomberg Data for Health Intiative မှ Professor Dr. Alan Lopez၊ Dr. Saman Gamage၊ Ms. Sonjia Firth၊ Country Coordinator ​ဒေါ်ခင်စန္ဒာဘို၊ ရန်ကုန်ဆေး တက္ကသိုလ်(၁)နှင့်(၂) မှ ပါမောက္ခများ၊ ဒုတိယညွှန်ကြားရေးမှူးချုပ်များ၊ သက်ဆိုင်ရာ ပြည်နယ်/တိုင်းဒေသကြီးများမှ ကျန်းမာရေးမှူးများ၊ ပြည်နယ်နှင့်တိုင်းဒေသကြီး ဗဟိုစာရင်းအင်းအဖွဲ့ တာဝန်ခံများ၊ ဗဟို စာရင်းအင်းအဖွဲ့(ရုံးချုပ်)မှ ဝန်ထမ်းများ၊ Verbal Autopsy ကောက်ယူသော(၄၂)မြို့နယ်မှ မြို့နယ်တာဝန်ခံ ဆရာ/ဆရာမများအပါအဝင် စုစုပေါင်း (၁၀၀) ဦးခန့် တက်ရောက်ခဲ့ကြပါသည်။

မြန်မာနိုင်ငံတွင် ၂၀၁၆ ခုနှစ် ဇန်နဝါရီလမှ ၂၀၁၉ ခုနှစ် မတ်လအထိ Bloomberg D4H အဖွဲ့သည် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် ကျန်းမာရေးနှင့် အားကစားဝန်ကြီးဌာနတို့ ပူးပေါင်း၍ သေဆုံးမှုမှတ်ပုံတင်ခြင်းစနစ် ပိုမိုဖွံ့ဖြိုးတိုးတက်စေရန် ရည်ရွယ်ချက်ဖြင့် အဓိကမဟာဗျူဟာ(၆)ခု ချမှတ်အကောင်အထည်ဖော် ဆောင်ရွက်ခဲ့ပါသည်။

အဆိုပါမဟာဗျူဟာလုပ်ငန်းစဉ်များကို ပြန်လည်သုံးသပ်ရာမှ ထွက်ပေါ်လာသော တွေ့ရှိ ချက်များနှင့် ၂၀၁၈ ခုနှစ် ဇန်နဝါရီလမှ ဒီဇင်ဘာလထိ Verbal Autopsy နည်းဖြင့် ကောက်ယူ ရရှိသော သေဆုံးမှုစာရင်းအချက်အလက်များကို ရှင်းလင်းတင်ပြရန်၊ မြန်မာနိုင်ငံ၏ မွေးဖွားမှု နှင့် သေဆုံးမှုမှတ်ပုံတင်သည့်စနစ် ရေရှည်ဖွံ့ဖြိုးတိုးတက်လာစေရန်အတွက် စာရင်းအင်းများ အား အသုံးပြုပြီး ပြည်သူ့ကျန်းမာရေးစီမံကိန်းများ၊ မူဝါဒများ အချိန်နှင့်တစ်ပြေးညီ ရေးဆွဲသွား နိုင်ရန် ရည်ရွယ်ကျင်းပပြုလုပ်ခြင်း ဖြစ်ပါသည်။(သတင်းစဉ်)     

, ,