ဗဟိုစာရင်းအင်းအဖွဲ့နှင့် အာရှဖောင်ဒေးရှင်း တို့ ပူးပေါင်း၍ သတင်းအချက်အလက် သိမ်းဆည်းမှု နည်းပညာ အလုပ်ရုံ ဆွေးနွေးပွဲ ကျင်းပခြင်း

, ,

ဗဟိုစာရင်းအင်းအဖွဲ့နှင့် အာရှဖောင်ဒေးရှင်းတို့ ပူးပေါင်း၍ သတင်းအချက်အလက် သိမ်းဆည်းမှု နည်းပညာအလုပ်ရုံ ဆွေးနွေးပွဲကို  ၂၀၁၈ခုနှစ်၊ အောက်တိုဘာ လ(၂)ရက်နေ့မှ (၃)ရက်နေ့အထိ ၂ ရက်ကြာ စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂) အစည်းအဝေး ခန်းမ၌ ကျင်းပခဲ့ပါသည်။

အဆိုပါ အလုပ်ရုံဆွေးနွေးပွဲတွင်  ပဲခူးတိုင်းဒေသကြီး၊ စီမံကိန်းနှင့်ဘဏ္ဍာရေးဝန်ကြီး ဦးညွှန့်ရွှေ၊ အာရှဖောင်ဒေးရှင်းမှ ဌာနေကိုယ်စားလှယ် Dr. Matthew Amold  နှင့် ဗဟိုစာရင်း အင်းအဖွဲ့ ဒုတိယညွှန်ကြားရေးမှူးချုပ် ဦးသန်းဇော် တို့မှ အဖွင့်အမှာစကားပြောကြားခဲ့ပါသည်။

ဆွေးနွေးပွဲသည် သတင်းအချက်အလက်များ လေ့လာဆန်းစစ်တင်ပြရာတွင် Data Visualization အသုံးပြုပုံနှင့် Data Visualization ကိရိယာများဖြစ်သည့် Charts၊ Tables  နှင့် Infographic ပုံများ၏ အားသာချက်နှင့် အားနည်းချက်များကို လေ့လာသိရှိနိုင်ရန်နှင့်  တိုင်းဒေသကြီး/ပြည်နယ်များရှိ မြို့နယ်များ၏  သတင်းအချက်အလက် အညွှန်းကိန်းများ ကောက်ယူခြင်း၊ ခွဲခြမ်းစိတ်ဖြာခြင်း၊ တင်ပြခြင်း၊ ပြန်လည်ဖြန့်ဝေခြင်း လုပ်ငန်းများနှင့် နှစ်စဉ်စာရင်းအင်းစာစောင်များ ထုတ်ပြန်ရာတွင် လုပ်ငန်းစဉ်များကို အရှိန်မြှင့်တင် ဆောင်ရွက် နိုင်ရန်အတွက် ရည်ရွယ်၍ ကျင်းပပြုလုပ်ခဲ့ခြင်းဖြစ်ပါသည်။

ဆွေးနွေးပွဲသို့ သက်ဆိုင်ရာဌာနများမှ တာဝန်ရှိသူများ၊ ဗဟိုစာရင်းအင်းအဖွဲ့(ရုံးချုပ်)၊ နေပြည်တော်ကောင်စီနှင့် တိုင်းဒေသကြီး/ ပြည်နယ်များမှ တာဝန်ခံများ တက်ရောက်ခဲ့ပါသည်။

(အောက်တိုဘာလ (၂) ရက်နေ့မှ (၃) ရက်နေ့အထိ)