(၂၆) ကြိမ်မြောက် အခြေခံစာရင်းအင်းပညာအသုံးချမှု ဆင့်ပွားသင်တန်းဆင်းပွဲ အခမ်းအနားကျင်းပ

ဗဟိုစာရင်းအင်းအဖွဲ့နှင့် အာရှဖွံ့ဖြိုးရေးဘဏ်(ADB)တို့ ပူးပေါင်းဖွင့်လှစ်ပို့ချသည့် (၂၆) ကြိမ်မြောက် အခြေခံစာရင်းအင်းပညာအသုံးချမှု ဆင့်ပွားသင်တန်းဆင်းပွဲ အခမ်းအနားကို စီမံကိန်း နှင့်ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌  ၂၀၁၈ ခုနှစ် စက်တင်ဘာလ (၁၄) ရက်နေ့တွင် ကျင်းပခဲ့ရာ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ တက်ရောက်၍ အမှာစကား ပြောကြားခဲ့ပါသည်။

အဆိုပါသင်တန်းတွင်  အခြေခံစာရင်းအင်းပညာအသုံးချမှု နှင့် ပတ်သက်၍ သင်ကြားပို့ချ ခဲ့ပြီး သင်တန်းကာလမှာ (၃-၉-၂၀၁၈) ရက်နေ့မှ (၁၄-၉-၂၀၁၈) ရက်နေ့အထိ ဖြစ်ပါသည်။ သင်တန်းသို့  ဗဟိုစာရင်းအင်းအဖွဲ့ရုံးချုပ်နှင့် ပြည်နယ်နှင့် တိုင်းဒေသကြီးများမှ သင်တန်းသား/ သူ (၂၅) ဦး တက်ရောက်ခဲ့ကြပါသည်။  အခြေခံစာရင်းအင်းပညာ အသုံးချမှုသင်တန်းများ ဖွင့်လှစ်၍ စုစုပေါင်း သင်တန်းသား(၇၈၀)ဦးအား သင်တန်းပို့ချခဲ့ပြီး လုပ်ငန်းခွင်တွင် လက်တွေ့ အသုံးချရန်နှင့် လုပ်ငန်းစွမ်းဆောင်ရည် တိုးတက်စေရန်ရည်ရွယ်၍ ဖွင့်လှစ် ခြင်းဖြစ်ပါသည်။

သင်တန်းဆင်းပွဲတွင် ဗဟိုစာရင်းအင်းအဖွဲ့ ညွှန်ကြားရေးမှူးချုပ်မှ သင်တန်းသား/ သူများအား သင်တန်းဆင်းလက်မှတ်များ ပေးအပ်ခြင်းနှင့် ထူးချွန်သူ သင်တန်းသား/သူများအား ဆုများ ချီးမြှင့် ပေးအပ်ခဲ့ပါသည်။

(သတင်းစဉ်)

၂၀၁၈ခုနှစ်၊ စက်တင်ဘာလ (၁၄)ရက်နေ့

,