ချင်းပြည်နယ်၊ ဗဟိုစာရင်းအင်းအဖွဲ့၏ ရုံးသစ်ဖွင့်ပွဲအစီအစဉ်၊ စာရင်းအင်း ဥပဒေအား ရှင်းလင်းတင်ပြခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ (SDGs) နှင့် စပ်လျဉ်း၍ အသိပညာပေး ဆွေးနွေးပြောကြားခြင်းနှင့် စာရင်းအင်း အချက်အလက် မှန်ကန်ရေးနှင့် အရည်အသွေးပြည့်ဝရေးဆိုင

, , ,

ချင်းပြည်နယ်၊ အမှတ်(၃)ဂေါက်ကွင်းလမ်း၊ မြို့သစ်ရပ်ကွက်ရှိ ဗဟိုစာရင်းအင်းအဖွဲ့ ရုံးသစ်ဖွင့်ပွဲ အခမ်းအနားကို ဧပြီလ (၃၀)ရက်နေ့ နံနက် (၈:၃၀) တွင်ကျင်းပခဲ့ရာ ချင်းပြည်နယ်ဝန်ကြီးချုပ် ဦးဆလိုင်းလျန်လွယ်၊ ဗဟိုစာရင်းအင်းအဖွဲ့ညွှန်ကြားရေးမှူးချုပ်နှင့် ချင်းပြည်နယ် ဗဟိုစာရင်းအင်း အဖွဲ့တာဝန်ခံ ဒေါ်လွင်ဝါဝါဇော်တို့မှ ဖဲကြိုးဖြတ်ဖွင့်လှစ်ပေးခဲ့ပြီး၊စီမံကိန်းနှင့်ဘဏ္ဍာရေးဝန်ကြီး၊ လူမှုရေးဝန်ကြီး၊ လုံခြုံရေးနှင့်နယ်စပ်ရေးရာဝန်ကြီး၊ လမ်းပန်းဆက်သွယ်ရေးဝန်ကြီး၊ စိုက်ပျိုးရေး၊ မွေးမြူရေး၊ သစ်တောနှင့်သတ္တုဝန်ကြီး၊ လွှတ်တော်ဥက္ကဌ၊ လွှတ်တော်ဒု-ဥက္ကဌ၊ ပြည်နယ်ရဲမှူးကြီး နှင့် ပြည်နယ်အဆင့်ဌာနဆိုင်ရာအသီးသီးမှ တာဝန်ရှိသူများ တက်ရောက်ခဲ့ကြပါသည်။

ထို့နောက်မွန်းလွဲ (၀၂:၀၀)နာရီတွင် ချင်းပြည်နယ်အစိုးရအဖွဲ့ အစည်းအဝေးခန်းမ၌ စာရင်းအင်း ဥပဒေအားရှင်းလင်းတင်ပြခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ (SDGs) နှင့် စပ်လျဉ်း၍ အသိပညာပေးဆွေးနွေးပြောကြားခြင်းနှင့်စာရင်းအင်းအချက်အလက်မှန်ကန်ရေးနှင့် အရည်အသွေး ပြည့်ဝရေးဆိုင်ရာလုပ်ငန်းအစည်းအဝေးကိုကျင်းပခဲ့ရာပြည်နယ်အဆင့်ဌာနဆိုင်ရာတာဝန်ရှိသူများ စုစုပေါင်း(၈၀) ဦးခန့်တက်ရောက်ခဲ့ပြီး ချင်းပြည်နယ်ဝန်ကြီးချုပ်မှ အဖွင့်အမှာ စကားပြောကြား ခဲ့ပါသည်။ ဆက်လက်၍ ဗဟိုစာရင်းအင်းအဖွဲ့ ညွှန်ကြားရေးမှူးချုပ်မှ စာရင်းအင်းဥပဒေအား ရှင်းလင်းတင်ပြခြင်း၊စာရင်းအင်းအချက်အလက်မှန်ကန်ရေးနှင့်အရည်အသွေးပြည့်ဝရေးဆိုင်ရာလုပ်ငန်းများနှင့်စဉ်ဆက်မပြတ်ဖွံ့ဖြိုးမှုပန်းတိုင်များ(SDGs)နှင့် စပ်လျဉ်း၍ဆွေးနွေးပြောကြားခဲ့ရာ အစည်းအဝေးတက်ရောက်သူများမှ သိလိုသည်များကိုအပြန်အလှန်မေးမြန်း ဆွေးနွေးခဲ့ကြပြီး ညနေ(၅:၃၀) နာရီ တွင် အစည်းအဝေးကို ရုပ်သိမ်းခဲ့ပါသည်။

၂၀၁၈ခုနှစ် ဧပြီလ ၃၀ ရက်နေ့