စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ရှမ်းပြည်နယ်အတွင်း စီမံကိန်းအကောင်အထည်ဖော်မှုဆိုင်ရာကိစ္စရပ်များ ကွင်းဆင်းကြည့်ရှု

နေပြည်တော်၊ ဇူလိုင် ၁၇
စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်းသည် သက်ဆိုင်ရာဌာနအကြီးအကဲများ လိုက်ပါလျက် ယနေ့နံနက် ၉:၃၀ နာရီတွင် ရှမ်းပြည်နယ်၊ တောင်ကြီးခရိုင်နှင့် ပအို့ဝ်ကိုယ်ပိုင်အုပ်ချုပ်ခွင့်ရဒေသအတွင်း တာဝန်ထမ်းဆောင်နေကြသည့် စီမံကိန်းနှင့်ဘဏ္ဍာရေးဝန်ကြီးဌာန အောက်ရှိ ဌာန/အဖွဲ့အစည်းများမှ ဝန်ထမ်းများနှင့် တွေ့ဆုံခဲ့သည်။ ထိုသို့ တွေ့ဆုံရာတွင်  ဒုတိယဝန်ကြီးက သက်ဆိုင်ရာဌာနအသီးသီး၏ လုပ်ငန်းဆောင်ရွက်မှု အခြေအနေများ၊ စီမံကိန်းအကောင်အထည်ဖော် ဆောင်ရွက်နေမှုများ၊ ဘဏ္ဍာငွေသုံးစွဲမှု အခြေအနေများနှင့် ၂၀၂၃-၂၀၂၄ ဘဏ္ဍာရေးနှစ် ဒေသန္တရစီမံကိန်းရေးဆွဲရေးဆိုင်ရာ ကိစ္စရပ်များအပေါ် လမ်းညွှန်မှာကြားပြီး မွန်းလွဲပိုင်း၌ မြို့နယ်နှင့်ခရိုင်အတွင်းရှိ ရုံးများသို့ သွားရောက် ကွင်းဆင်းစစ်ဆေးခဲ့သည်။ ဒုတိယဝန်ကြီးသည် ၁၆-၇-၂၀၂၂ ရက်နေ့တွင်လည်း ကလောခရိုင် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကလောမြို့ပေါ်ရှိ စီမံကိန်းနှင့်ဘဏ္ဍာရေးဝန်ကြီးဌာနအောက်ရှိ ဌာန/အဖွဲ့အစည်းများမှ ဝန်ထမ်းများနှင့်တွေ့ဆုံ၍ လုပ်ငန်းအကောင်အထည်ဖော် ဆောင်ရွက်မှုများနှင့် စပ်လျဉ်း၍ လိုအပ်သည်များကို လမ်းညွှန်မှာကြားခဲ့ပြီး ဝန်ထမ်းများ၏ လိုအပ်ချက်များ၊ သက်သာချောင်ချိရေးကိစ္စရပ်များနှင့် စပ်လျဉ်း၍ ပေါင်းစပ်ညှိနှိုင်းပေးခဲ့ကြောင်း သတင်းရရှိသည်။ (သတင်းစဉ်)

, ,